દેશ આર્થિક સંકટમાંથી પસાર થઈ રહ્યો છે ત્યારે આજે મોદી સરકાર 2.0 વતી નાણામંત્રી નિર્મલા સીતારમણ લોકસભામાં કેન્દ્રીય બજેટ 2020-21 રજૂ કર્યું હતું. નિર્મલા સીતારમણે જીએસટીને લઇને અરૂણ જેટલીજીને યાદ કર્યાં. આ સાથે મોદી સરકારના બીજા કાર્યકાળના બજેટમાં ઘણી બધી ચીજ વસ્તુઓ મોંઘી થઇ હતી તો કેટલીક ચીજ-વસ્તુઓ સસ્તી થઇ હતી.
મોદી સરકારના બીજા કાર્યકાળનું બજેટ રજૂ
પેટ્રોલ-ડીઝલ સહિત વિવિધ વસ્તુઓ થઇ મોંઘી
ન્યૂઝ પ્રિન્ટ, ફ્યૂઝ, કેમિકલ થયાં સસ્તા
બજેટમાં આ ચીજ વસ્તુઓ થઇ મોંઘી
નાણામંત્રી નિર્મલા સીતારમણે રજૂ કરેલ આ બજેટમાં પેટ્રોલ-ડીઝલ, સોનું, કાજૂ, ઓટો પાર્ટ્સ, ફર્નિચર, મેડિકલ ડિવાઈસ, સિગારેટ, સિંથેટિક રબર, પીવીસી, ટાઇલ્સ મોંઘી થશે. આ સાથે જ સ્ટીલ, કોપર, લોખંડ,મલાઈ કાઢી લીધેલું દૂધ, સોયા ફાઇબર, સોયા પ્રોટીન,કૃષિ-પ્રાણી આધારિત ઉત્પાદનો, આલ્કોહોલિક પીણાં, તંબાકુ ઉત્પાદનથી પણ બજેટ બાદ મોંઘું થશે.
બજેટમાં આ ચીજ વસ્તુઓ થઇ સસ્તી
નાણામંત્રીએ રજૂ કરેલા આ બજેટમાં ન્યૂઝ પ્રિન્ટ, ફ્યૂઝ, કેમિકલ, પ્લાસ્ટિક વગેરે સસ્તા થયાં હતા.
સૌથી લાંબુ ભાષણ
નાણાં પ્રધાન નિર્મલા સીતારામણે અત્યાર સુધીમાં સૌથી મોટું બજેટ ભાષણ આપ્યું છે. આ અગાઉ 2003 માં જસવંતસિંહે 02 કલાક 13 મિનિટનું ભાષણ આપ્યું હતું. નાણાં પ્રધાનનું ભાષણ સવારે 11 વાગ્યે શરૂ થયું, જે અઢી કલાકથી વધુ ચાલ્યું. આ બજેટને ફુગાવોમાંથી પસાર થતી લોકોને વધુ આશા હતી.
સીતારમણે કાશ્મીરી શાયરી કહી
કેન્દ્ર સરકારની લોન ઘટીને હવે 48.7 ટકા પર થઇ ગઇ છે. આ બજેટમાં ત્રણ બિંદુઓ પર ફોક્સ કરવામાં આવી રહ્યું છે. આ દરમિયાન નિર્મલા સીતારમણે કાશ્મીરી એક શાયરી વાંચી. તેમણે કહ્યું કે હમારા વતન ખિલતે હુએ શાલીમાર બાગ જેસા, હમારા વતન ડલ ઝીલમે ખિલતા હુઆ કમલ જેસા, નૌજવાનો કે ગરમ ખૂન જેસા, મેરા વતન તેરા વતન હમારા વતન દુનિયાકા સબસે પ્યારા વતન