Budget 2019 / ટેક્સ સ્લેબમાં બદલાવથી 80-Cની લિમિટમાં થશે વધારો, થઇ શકે છે 5 મોટી જાહેરાતો

નવી દિલ્હીઃ આગામી બજેટમાં ટેકસ સ્લેબ (Tax Slabs) માં ફેરફારથી લઈ 80-સી (Section 80C) ની લિમિટ વધારવા સુધીની પાંચ મોટી જાહેરાતો થઇ શકે છે. કેન્દ્રીય નાણાપ્રધાન નિર્મલા સીતારમન મોદી સરકારનું પૂર્ણકક્ષાનું બજેટ પ, જુલાઇએ રજૂ કરશે. ડિજીટલ ટ્રાન્જેકશનને પ્રોત્સાહન આપવા હવે એક વર્ષમાં રૂ.૧૦ લાખથી વધુ રકમની કેસના ઉપાડ પર ટેકસ લાદવામાં આવશે. આ ઉપરાંત સરકાર ઇ-પેમેન્ટ ટ્રાન્ઝેકશનને પ્રોત્સાહિત કરવા ઇન્કમટેકસ અને જીએસટી ટેકસ પેયર્સ માટે સબસિડી પણ આપી શકે છે.

વચગાળાનાં બજેટમાં રૂ.પ લાખ સુધીની ઇન્કમ પર સંપૂર્ણ રાહત આપી હતી. હવે સરકાર રૂ.પ લાખથી ૭.પ લાખ સુધીના ટેકસ બ્રેકેટ પર પાંચ ટકા, રૂ.૭.પ લાખથી ૧ર લાખ સુધીના ટેકસ બ્રેકેટ પર ર૦ ટકા અને રૂ.૧ર લાખથી વધુ ટેકસેબલ રકમ પર ૩૦ ટકા ટેકસ લાદી શકે છે. એજ રીતે 80-સીની લિમિટને રૂ.૧.પ લાખથી વધારી રૂ.૩ લાખ કરી શકે છે. આ ઉપરાંત ફર્સ્ટ ટાઇમ હોમ બાયર્સને પણ સરકાર ટેકસમાં રાહત આપી શકે છે.

કરદાતાઓને આ 5 મુદ્દે મળી શકે છે મોટી રાહતઃ
1. ડિજિટલ ટ્રાન્ઝેક્શનને પ્રોત્સાહન
2. ટેક્સ ઇ-પેમેન્ટ પર સબ્સિડી
3. ટેક્સ સ્લેબમાં ફેરફાર
4. 80Cની લિમિટ વધારવી
5. ફર્સ્ટ ટાઇમ હોમ બાયર્સને રાહત