સરકારી કંપની બીએસએનએલએ તેના ગ્રાહકોને ભેટ આપી છે. કંપનીએ એક ઓફર હેઠળ વર્ક ફ્રોમ હોમ બ્રોડબેન્ડ પ્લાનને ગ્રાહકો મફતમાં ઉપયોગ કરી શકે છે. તેમાં ગ્રાહકોને 10Mbps સ્પીડ સાથે 5 જીબી ડેટા રોજ મળશે. કંપનીએ જણાવ્યું કે આ ખાસ ઓફર BSNLના લેન્ડલાઈન યુઝર્સ માટે છે. જે અત્યારે ફ્રી બ્રોડબેન્ડ કનેક્શનનો લાભ લઈ શકશે. આવું કરીને કંપની તેના લેન્ડલાઈન યુઝર્સને બ્રોડબેન્ડ પ્લાનમાં માઈગ્રેટ કરવા માંગે છે.
હવે મેળવો 5 જીબી ડેટા ફ્રી
બીએસએનએલ તેના ગ્રાહકો માટે લાવ્યું ખાસ ઓફર
8 ડિસેમ્બર સુધી વેલિડ રહેશે ઓફર
હકીકતમાં BSNLએ આ પ્લાનની શરૂઆત માર્ચમાં જ કરી દીધી હતી. શરૂઆતમાં તેની અવધિ 19 એપ્રિલ સુધી હતી, પરંતુ પછી તેને લંબાવામાં આવી. હવે તેને 8 ડિસેમ્બર સુધી કરી દેવાઈ છે. ઓફર હેઠળ BSNLના લેન્ડલાઈન યુઝર્સને કોઈપણ ચાર્જ વિના બ્રોડબેન્ડ કનેક્શન મળશે.
8 ડિસેમ્બર સુધી ગ્રાહકો પાસેથી કોઈ ઈન્સ્ટોલેશન ચાર્જિસ પણ લેવામાં આવશે નહીં. આમાં યુઝર્સને રોજ 5 જીબી ડેટા મળશે. લિમિટ ખતમ થયા બાદ સ્પીડ 1 એમબીપીએસ થઈ જશે. આ ઓફર એવા લેન્ડલાઈન યુઝર્સને જ મળશે જેમની પાસે કોઈ એક્ટિવ બ્રોડબેન્ડ કનેક્શન નથી. યુઝર્સને માત્ર 30 દિવસ માટે આ સુવિધા ફ્રી મળશે.
બધાં સર્કલ્સમાં લાગુ
તમને જણાવી દઈએ કે, કંપનીની આ ઓફર તમામ સર્કલ્સમાં ઉપલબ્ધ છે. BSNL લેન્ડલાઈન સબસ્ક્રાઈબર્સ આ નવું બ્રોડબેન્ડ પ્લાન ટોલ ફ્રી નંબર 1800-345-1504 પર કોલ કરીને પ્રાપ્ત કરી શકે છે.