BSNLએ લોન્ચ કર્યો નવો પ્લાન માત્ર આટલા જ રૂપિયામાં મળશે અનલિમિટેડ ડેટા-કૉલિંગ

રિલાયન્સ જિયોની ટેલિકૉમ માર્કેટમાં જ્યારથી એન્ટ્રી થઇ છે ત્યારથી બાકીની ટેલિકૉમ કંપનીઓ પોતાના ગ્રાહકોને આકર્ષવા માટે અલગ-અલગ ઑફર્સ લોન્ચ કરી રહી છે. ત્યારે BSNLએ પણ પોતાના પ્રીપેડ યૂઝર્સ માટે કેટલાક પ્લાન્સ લોન્ચ કર્યા છે. કંપનીએ 118 રૂપિયાનો નવો પ્લાન લોન્ચ કર્યો છે જેમાં યૂઝરને પ્રતિદિવસ 1GB 3G તથી 4G ડેટા મળશે. આ સાથે જ 28 દિવસ સુધી અનલિમિટેડ કૉલિંગની સુવિધા મળશે. જોકે દિલ્હી અને મુંબઇના સર્કલના રોમિંગ ક્ષેત્રોમાં આ અનલિમિટેડ કૉલિંગની સુવિધા નહી મળે. આ સાથે પ્લાનમાં યૂઝરને રિંગ બેક ટોનનો ઑપ્શન મળી રહ્યો છે પરંતુ આ માત્ર તમિલનાડુના સર્કલમાં જ ઉપલબ્ધ છે.

BSNLએ 118 રૂપિયાનો પ્લાન રિલાયન્સ જિયો 98 રૂપિયાના પ્લાનને ટક્કર આપવા માટે લોન્ચ કર્યો છે. જિયોના પ્લાનમાં યૂઝરને 2GB 4G ડેટા અનલિમિટેડ કૉલિંગ અને 300 SMS પણ ફ્રીમાં મળી રહ્યા છે. આ સાથે જ યૂઝરને 28 દિવસ સુધી જિયો એપ્સનું સબ્સક્રિપ્શન મળશે. આ સિવાય BSNLએ 379 રૂપિયાનો પ્લાન પણ લોન્ચ કર્યો છે. જેમાં 4GB 3G તથા 4G ડેટા પ્રતિદિવસ મળશે અને અનલિમિટેડ BSNLથી BSNL કૉલિંગની સુવિધા મળી રહી છે. આ પ્લાનની વેલિડિટી 30 દિવસ સુધીની છે. આ પ્લાન માત્ર કેરલ માટે જ ઉપલબ્ધ છે. 

BSNLએ 551 રૂપિયાનો પ્રીપેડ પ્લાન પણ લોન્ચ કર્યો છે જે માત્ર કેરલના સર્કલ માટે ઉપલબ્ધ છે. આ પ્લાનમાં યૂઝરને 1.5GB 4G ડેટા પ્રતિદિવસ મળી રહ્યો છે. આ પ્લાનમાં કૉલિંગનો બેનિફિટ નહી મળે. આ સિવાય BSNLએ 444 રૂપિયાનો પણ એક પ્લાન લોન્ચ કર્યો છે જેમાં અનલિમિટેડ વૉઇસ કૉલની સુવિધા 60 સુધી મળશે.