BSNLના આ શાનદાર પ્લાનમાં મળશે 1.1 રૂપિયામાં 1 GB ડૅટા Jioને મોટી ટક્કર

ભારત સંચાર નિગમ લિમિટેડ (BSNL)એ Jioને ઝટકો આપતાં એક એવો પ્લાન રજૂ કરી રહ્યું છે જે બજારમાં બૂમ પડાવી શકે છે. માહિતી મળી રહી છે કે BSNL માત્ર 1.1 રૂપિયામાં 1GB હાઇ-સ્પીડ ડૅટા આપવા જઇ રહ્યું છે. જેથી Jio માટે BSNLનો આ પ્લાન તકલીફો ઉભી કરી શકે છે. 
 


મળતી માહિતી મુજબ Jio ગીગાફાઇબરની ટક્કરમાં BSNL "Bharat Fiber" લોન્ચ કરવાની તૈયારીમાં છે. BSNLના ફાઇબર-ટૂ-ધ-હોમ (FTTH) સર્વિસ 'ભારત ફાઇબર' હેઠળ ગ્રાહકોને 35GB ડૅટા મળશે અને આ પ્લાન હેઠળ ડૅટાની કિંમત પ્રતિ જીબી 1.1 રૂપિયે હશે. 



જ્યારે ઇટી ટેલીકોમની વેબસાઇટ મુજબ BSNLએ પોતાની વેબસાઇટ પર 'ભારત ફાઇબર' માટે બુકિંગ પણ શરૂ કરી દીધી છે. જોકે કંપનીએ હજુ કોઇ સતાવાર નિવેદન રજૂ કર્યું નથી. જ્યારે BSNLની વેબસાઇટ પર 'ભારત ફાઇબર'ની બુકિંગની કોઇ લિંક પણ નથી. 



તમને જણાવી દઇએ કે તાજેતરમાં Jio ગીગાફાઇબર અને એરટેલ બ્રોડબ્રૈંડને ટક્કર આપવા માટે BSNLએ પોતાના વાર્ષિક 6 મહીના વાળા બ્રોડબ્રૈંડ પ્લાન પર 25 ટકા કેશબેકની જાહેરાત કરી હતી. આ ઉપરાંત કંપનીએ પ્રીપેડ ગ્રાહકો માટે 98 રૂપિયાનો પ્લાન રજૂ કર્યો છે. જેમાં 1.5GB ડૅટા મળે છે અને તેની વેલીડીટી 26 દિવસની છે.