ટેલીકોમ / BSNL યુઝર્સ માટે શાનદાર ઓફર : 318 રૂપિયામાં 84 દિવસ સુધી દરરોજ મળશે 2 GB ડેટા

• BSNLના સ્પેશીયલ પ્લાનથી યુઝર્સને ફાયદો 
• 318 રૂપિયામાં 84 દિવસ સુધી 168 gb ડેટા આપવામાં આવશે 
• 98 રૂપિયામાં 24 દિવસ સુધી 2 gb ડેટા 

BSNLના એક ખાસ પ્લાન યુઝર્સને 84 દિવસ સુધી દરરોજ 2 gb ડેટા આપે છે. 318 રૂપિયાનાં ડેટા પેકની 84 દિવસની વેલીડીટી રહે છે. અત્યારે માત્ર ડેટા ઓન્લી ઓફર આપતી એકમાર્ત કંપની છે. જેમાં 198 રૂપિયા અને 98 રૂપિયાનો પ્લાન સૌથી વધુ પોપ્યુલર છે. આ પ્લાનમાં પણ 2 gb ડેટા મળે છે. 

ઘણા એવા યુઝર્સ હોય છે જે કોલિંગથી વધારે ડેટા વાપરે છે એવામાં આ પ્લાન તેમને ઉપયોગી થઇ શકે છે. 318 રૂપિયામાં 84 દિવસ સુધી 168 gb ડેટા આપવામાં આવે છે. આ ઓફર એક સ્પેશીયલ ટેરીફ વાઉચર છે. જેમાં યુઝરને ડેલી 2 gb ડેટા આપવામાં આવે છે. 84 દિવસની વેલીડીટી સમાપ્ત થઇ ગયા બાદ તેની ડેટા લીમીટ ખતમ થઇ જવાના કારણે ઇન્ટરનેટ સ્પીડ 40 KBPS રહી જાય છે. જોકે પ્લાન પૂરો થઇ જવા છતાં વોટ્સએપ વાપરવા માટે આટલી સ્પીડ પૂરતી છે. 

જોકે અત્યારે આ પ્લાન દેશના અમુક નિશ્ચિત સર્કલ સુધી આપવામાં આવે છે. આંધ્રપ્રદેશ, તેલંગાણા અને કર્ણાટક સર્કલમાં આ સેવા આપવામાં આવી છે. 

સ્પેશીયલ ટેરીફ વાઉચર પ્લાનની વાત કરીએ તો તેની ખૂબ લાંબી લીસ્ટ છે, જેની શરૂઆત 7 રૂપિયાથી થાય છે જેમાં એક દિવસમાં 1 gb ડેટા મળે છે. 98 રૂપિયાનાં પ્લાનમાં 24 દિવસ સુધી 2 gb ડેટા આપવામાં આવે છે. 198 રૂપિયાના પ્લાનમાં 54 દિવસ સુધી 2 gb ડેટા આપવામાં આવે છે. જયારે 548 રૂપિયાના સ્પેશીયલ ટેરીફ વાઉચરના પ્લાનમાં 90 દિવસ માટે દરરોજ 5 gb ડેટા ઓફર આપવામાં આવે છે.