BSNL દેશની એક સરકારી ટેલિકોમ કંપની છે, જે તેના શાનદાર પ્રીપેડ અને પોસ્ટપેડ પ્લાનથી Jio, Airtel અને Vi જેવી ખાનગી કંપનીઓને આકરી ટક્કર આપે છે.
BSNLના આ પ્લાને ખાનગી ટેલિકોમ કંપનીઓને આપી ટક્કર
તમને ઓછી કિંમતમાં 110 દિવસ માટે આકર્ષક બેનિફિટ્સ મળી રહ્યાં છે
Jio અને Airtelના 666 રૂપિયાના પ્લાન જેવી BSNLમાં મળશે સુવિધા
BSNLનો શાનદાર પ્લાન
આજે અમે તમને BSNLના એક એવા પ્લાન અંગે જણાવવા જઇ રહ્યાં છે, જેમાં તમને ઓછી કિંમતમાં 110 દિવસ માટે આકર્ષક બેનિફિટ્સ મળી રહ્યાં છે. અહીં તમને જણાવવાનું કે આ પ્લાનમાં જે ફાયદા મળી રહ્યાં છે, તે Jio અને Airtelના આ કિંમતવાળા પ્લાનમાં મળી રહ્યાં નથી. BSNLના આ પ્લાનની કિંમત 666 રૂપિયા છે. આ પ્લાનમાં તમને 110 દિવસ માટે 2GB ડેલી ડેટા આપવામાં આવ્યું છે એટલેકે કુલ મળીને આ પ્લાનમાં તમને 220GB ઈન્ટરનેટ આપવામાં આવ્યું છે. જ્યારે આ ડેટા ખત્મ થશે ત્યારે તમારા માટે ઈન્ટરનેટની સ્પીડને ઘટાડીને 40Kbps કરી દેવામાં આવશે. આ પ્લાનમાં તમને કોઈ પણ નેટવર્ક પર અનલિમિટેડ કોલિંગ અને દરરોજ 100 SMS આપવામાં આવે છે. આ સિવાય તમને ફ્રી કૉલરટ્યુન્સ અને લોકધુન કન્ટેન્ટની મેમ્બરશિપ પણ આપવામાં આવશે.
Jioનો 666 રૂપિયાવાળો પ્લાન
રિલાયન્સ જિયોનો 666 રૂપિયાનો પ્લાન 84 દિવસની વેલિડિટી સાથે આવે છે. જેમાં તમને દરરોજ 1.5GB ડેટા ઑફર કરવામાં આવે છે. એટલેકે કુલ મળીને તમને 126GB મળે છે. પ્લાનમાં અનલિમિટેડ કોલિંગ, દરરોજ 100 SMS અને જિયો એપ્સનુ મફત સબ્સ્ક્રીપ્શન પણ સામેલ છે.
Airtel નો 666 રૂપિયાવાળો પ્લાન
Airtelના આ પ્લાનમાં તમને 77 દિવસો માટે દરરોજ 1.5 GB ડેટા આપવામાં આવે છે. આ રીતે કુલ ડેટા 115.5GB થાય છે. પ્લાનમાં અનલિમિટેડ કોલિંગ અને દરરોજ 100 SMS આપવામાં આવે છે. ઉલ્લેખનીય છે કે Viનો 666 રૂપિયાનો પ્લાન પણ આ બેનિફિટ્સની સાથે આવે છે.