સરકારી ટેલિકોમ કંપની BSNLએ ઈન્ડસ્ટ્રીમાં કોમ્પિટિશન વધારી દીધું છે. કંપનીએ વોડાફોન-આઈડિયા, રિલાયન્સ જિયો અને એરટેરના લોન્ગ ટર્મ પ્લાન્સને ટક્કર આપવા માટે 1999 રૂપિયાના પ્રીપેડ પ્લાન રિવાઈઝ કર્યા છે. હવે આ પ્લાનમાં ટોટલ 1275 જીબી ડેટા મળશે.
BSNLના 1999 રૂપિયાના પ્લાનમાં મળશે આ બેનિફિટ્સ
BSNLના આ પ્લાનમાં 365ની જગ્યાએ 425 દિવસની વેલિડિટી મળશે. આ પ્લાનમાં કંપની રોજ 3 જીબી ડેટાના હિસાબથી કુલ 1275 જીબી ડેટા ઓફર કરી રહી છે. ડેઈલી 100 ફ્રી એસએમએસની સાથે આવનારા આ પ્લાનમાં કોલિંગ માટે 250 મિનિટ મળે છે. આ પ્લાનમાં મળતા એડિશનલ બેનિફિટની વાત કરીએ તો આ બે મહિના માટે ઈરોઝ નાઉનું ફ્રી સબસ્ક્રિપ્શન મળે છે.
વોડાફોનનો 2595 રૂપિયાનો પ્લાન
વીઆઈના આ પ્લાનમાં 365 દિવસની વેલિડિટી મળે છે. આ પ્લાનમાં કંપની રોજ 2 જીબી ડેટા ઓફર કરી રહી છે. ડેઈલી 100 ફ્રી એસએમએસની સાથે આવનારા અનલિમિટેડ કોલિંગ પણ ઓફર કરી રહી છે. આ પ્લાનમાં Weekend Data Rolloverનો ફાયદો પણ મળે છે. પ્લાનના સબસ્ક્રાઈબર્સ Vi Movies & TVની સાથે ઝી5નું પ્રીમિયમનું ફ્રી સબસ્ક્રિપ્શન પણ મળે છે.
રિલાયન્સ જિયોનો 2121 રૂપિયાનો પ્લાન
336 દિવસની વેલિડિટીવાળા આ પ્લાનમાં કંપની રોજ 1.5 જીબી ડેટા આપી રહી છે. પ્લાનમાં જિયો ટૂ જિયો ફ્રી કોલિંગ મળે છે. જ્યારે અન્ય નેટવર્ક પર કોલ કરવા માટે આ પ્લાનમાં 12 હજાર એફયુપી મિનિટ્સ મળે છે. રોજ 100 ફ્રી એસએમએસ અને જિયો એપ્સનું ફ્રી સબસ્ક્રિપ્શન મળે છે.
એરટેલનો 2,498 રૂપિયાનો પ્લાન
કંપની 365 દિવસની વેલિડિટીવાળા આ પ્લાનમાં કંપની રોજ 2 જીબી ડેટા આપી રહી છે. પ્લાનમાં અનલિમિટેડ ફ્રી કોલિંગ મળે છે. રોજ 100 ફ્રી એસએમએસ મળે છે. સાથે જ એરટેલ એક્સટ્રીમ અને વિંક મ્યુઝિકનું ફ્રી સબસ્ક્રિપ્શનની સાથે ફાસ્ટેગની ખરીદી પર 150 રૂપિયાનું કેશબેક મળે છે.