સરકારી ટેલિકોમ કંપની બીએસએનએલ પ્રાઈવેટ ઓપરેટર્સને ટક્કર આપવા માટે તેના નવા પ્લાન લોન્ચ કરતું રહે છે. ત્યારે હવે કંપનીએ 49 રૂપિયાનો નવો સ્પેશિયલ ટેરિફ વાઉચર (STV-49) લોન્ચ કર્યો છે. આ પ્લાન 1 સપ્ટેમ્બરથી એક્ટિવ છે અને કંપનીએ થોડાં સમય માટે જ પ્લાન લોન્ચ કર્યો છે.
આ ધાંસૂ પ્લાનમાં કરાવો રિચાર્જ
ઓછી કિંમતમાં મેળવો વધુ ડેટા
ફ્રી કોલિંગ સહિત મળશે આ સુવિધા
બીએસએનએલના આ નવા સ્પેશિયલ ટેરિફ વાઉચરમાં 2 જીબી ડેટા મળે છે. પ્લાનની ખાસિયત એ છે કે કંપની આમાં 100 ફ્રી મિનિટ્સ આપે છે. ત્યારબાદ 45 પૈસા પ્રતિ દરથી ચાર્જ લાદે છે. 100 ફ્રી એસએમએસ મળે છે. સાથે જ 28 દિવસની વેલિડિટી મળે છે. આ પ્લાનને એક્ટિવેટ કરવા માટે સેલ્ફકેયર કીવર્ડ- 'STV COMBO 49' છે. આ પ્લાન 90 દિવસ સુધી એક્ટિવ રહેશે.
આવા યુઝર્સ માટે બેસ્ટ છે આ પ્લાન
બીએસએનએલ એકમાત્ર એવી કંપની છે જે આવા પ્લાન ઓફર કરે છે. આ પ્લાન એવા યુઝર્સ માટે બેસ્ટ છે જેમને ઓછી કિંમતમાં વધુ સુવિધાઓ જોઈએ. સાથે જ બીએસએનએલ નંબર એક્ટિવ રાખવા માટે પણ આ પ્લાન સારો છે. ઈમરજન્સી ડેટા અથવા કોલિંગની જરૂર પડવા પણ આ પ્લાન ઘણો કામ આવી શકે છે.