લોન્ચ / જિયોને ટક્કર આપવા BSNL લાવ્યું 2 નવા ધમાકેદાર પ્રીપેડ પ્લાન, મળશે રોજ 10 GB ડેટા

• જિયોને ટક્કર આપશે BSNL
• BSNLએ લોન્ચ કર્યા 2 નવા પ્લાન
• મળશે વધુ ડેટા અને આ સુવિધા

BSNLના નવા પ્રીપેડ પ્લાનમાં મળશે આ બેનિફિટ્સ

BSNLના આ બંને પ્લાન એવા યુઝર્સ માટે છે જેમને વધુ ડેટાની જરૂર હોય છે. કંપનીએ આવા યુઝર્સને ધ્યાનમાં રાખી આ નવા પ્લાન લોન્ચ કર્યા છે. 96 રૂપિયાના આ નવા 4જી પ્લાનમાં 28 દિવસની વેલિડિટી મળશે. આ પ્લાનમાં રોજ 10 જીબી ડેટા મળશે. એટલે કે આ પ્લાનમાં કુલ 280 જીબી ડેટા મળી જશે. આ પ્લાનમાં ફ્રી એસએમએસ કે કોલિંગની સુવિધા નહીં મળે. 

236 રૂપિયાનો પ્લાન

236 રૂપિયાના પ્લાનમાં 84 દિવસની વેલિડિટી સાથે રોજ 10 જીબી ડેટા મળશે. આ પ્લાનમાં પણ ફ્રી એસએમએસ કે કોલિંગની સુવિધા નહીં મળે. જોકે, સ્પીડના મામલામાં BSNL એરટેલ અને જિયો કરતાં થોડું પાછળ છે. BSNL યુઝર્સને 4જી પ્લાનમાં 10Mbpsની ઈન્ટરનેટ સ્પીડ આપે છે. 

અહીં ઉપલબ્ધ છે BSNLના નવા પ્લાન

છેલ્લા ઘણાં સમયથી BSNLએ તેની 4જી સર્વિસમાં ઘણો સુધાર કર્યો છે અને દેશભરમાં કોમર્શિયલી લોન્ચ પણ કરી હતી. જોકે, BSNLના આ નવા પ્રીપેડ પ્લાન કેરળ, આંધ્રપ્રદેશ, તેલંગાણા, કોલકાતા, મહારાષ્ટ્ર, મધ્યપ્રદેશ, કર્ણાટક, ગુજરાત, ચેન્નઈ અને તમિલનાડુમાં જ ઉપલબ્ધ છે. BSNLની 4જી સર્વિસ એન્જોય કરવા માટે યુઝર્સે 3જીને 4જીમાં રિપ્લેસ કરાવવું પડશે. 

રિલાયન્સ જિયોને આપશે ટક્કર

રિલાયન્સ જિયો દેશનું એકમાત્ર ઓપરેટર છે જે LTE  સર્વિસ ઓફર કરે છે. જોકે, જિયો પાસે BSNLની જેમ કોઈ 4જી પ્લાન નથી. જિયો તેના યુઝર્સને 251 રૂપિયામાં 4જી વાઉચર આપી રહ્યું છે. જેમાં 51 દિવસની વેલિડિટી અને રોજ 2 જીબી ડેટા મળે છે.