ટેલિકોમ / BSNLના ગ્રાહકો માટે સારા સમાચાર, Text મેસેજ કરવા બદલ સામેથી મળશે આટલા પૈસા,જાણો કેવી રીતે

•  BSNL કસ્ટમર્સને હવે SMS ઉપર મળશે કેશબેક
•  આ પહેલા કોલિંગ ઉપર પણ કેશબેકનું એલાન થઇ ચૂક્યું છે

BSNL કંપનીએ કસ્ટમર્સને SMS સેવાઓ ઉપર 6 પૈસાનું કેશબેક આપવાનું જાહેર કર્યું છે. આ કેશબેક યુઝર્સને BSNLના ફોન નંબરથી SMS કરવા પર મળશે. 

કેવી રીતે મેળવવું કેશબેક?

જો તમે BSNLના ગ્રાહક છો તો તમારે આ સ્કિમ એક્ટિવેટ કરાવવી પડશે. તમારે ટેક્સ્ટ મેસેજમાં ‘ACT 6 paisa’ લખીને તેને 9478053334 ઉપર સેન્ડ કરવાનું રહેશે. સેન્ડ કર્યા પછી તમને કેશબેકનો લાભ મળવાનો શરુ થઇ શકશે.

કંપનીએ કહ્યું છે કે આ ઓફર લેન્ડલાઈન, બ્રોડબેન્ડ અને ફાઈબર માટે જ છે. આ ઓફર 31 ડિસેમ્બર 2019 સુધી જ છે. જો કોલિંગની વાત કરવામાં આવે તો તે કેશબેક વાયરલાઈન, બ્રોડબેન્ડ અને FTTH માટે ઉપલબ્ધ છે. કેશબેક યુઝર્સના એકાઉન્ટમાં ઉમેરી દેવામાં આવશે.

ટેરિફ થવાના છે મોંઘા

અહેવાલો મુજબ BSNL ટેરિફની કિંમતોમાં 1 ડિસેમ્બરથી વધારો કરવા જઈ રહી છે. BSNL જ નહિ તમામ ટેલિકોમ કંપનીઓ તેમના ટેરિફમાં વધારો કરવા જઈ રહી છે. જો કે આ વધારો કેટલો હશે તેની જાણકારી હજુ મળી નથી.

નોંધનીય છે કે ગયા મહિને રિલાયન્સ Jioએ Jio સિવાયના નંબર પર કોલ કરવા બદલ 6 પૈસાના ચાર્જનું એલાન કર્યું હતું. હવે BSNLએ 6 પૈસા વસૂલવાને બદલે ગ્રાહકોને ચૂકવવાની યોજના બહાર પાડી છે.