તમારા કામનું / આ કંપનીએ લોન્ચ કર્યો સાવ સસ્તો અને અફલાતૂન પ્લાન, એક વર્ષના રિચાર્જ પર એક આખો મહિનો ફ્રી

• BSNLએ તેનો એક વાર્ષિક રિચાર્જ પ્લાન લોન્ચ કર્યો
• નવા પ્રીપેડ રિચાર્જમાં યુઝર્સને મળશે ખાસ સુવિધા 
• કંપની આ પ્લાનમાં 30 દિવસની વેલિડિટી પણ ઑફર કરશે

BSNL નો નવો પ્લાન પેન ઈન્ડિયા પર આધારિત

આ સાથે 797 રૂપિયાવાળા બીએસએનએલ પ્રીપેડ રિચાર્જ પ્લાન એક ઈન્ટ્રોડક્ટરી ઑફર રૂપે એડિશનલી 30 દિવસની વેલિડિટી પણ ઑફર કરશે. ત્યારબાદ આ પ્લાનની વેલિડિટીને 365 થી 395 સુધી વધારી દે છે. આ પ્લાનને કુલ 395 દિવસ માટે વેલિડ બનાવે છે. BSNL નો નવો પ્લાન પેન ઈન્ડિયા પર આધારિત છે. નવા 797 રૂપિયાવાળા બીએસએનએલ પ્રીપેડ રિચાર્જ પ્લાનમાં યુઝર્સને 60 દિવસ માટે અનલિમિટેડ લોકલ, એસટીડી અને રોમિંગ કૉલ, દરરોજ 2GB હાઈ સ્પીડ ડેટા અને 100 SMS મળશે. જેનો અર્થ છે કે પ્લાનની વેલિડિટી 365 દિવસની છે, પરંતુ બંડલ બેનિફિટ્સ ફક્ત પહેલા બે મહિના માટે ઑફર કરવામાં આવશે. આ સિવાય ફેર યુસેજ પૉલિસી હેઠળ ડેલી ડેટા યુસેજ બાદ ઈન્ટરનેટની સ્પીડને ઘટાડીને 80 કેબીપીએસ કરી દેવામાં આવશે. બીએસએનએલ કર્ણાટક ડિવીઝને એક ટ્વિટના માધ્યમથી જાહેરાત કરી છે કે પ્લાન સાથે મળતી 30 દિવસની એડિશનલ વેલિડિટી 12 જુન સુધી વેલિડ રહેશે. 

BSNL સેલ્ફકેયર એપ પર મળી રહી છે ડિસ્કાઉન્ટ ઑફર 

આ સાથે યુઝર્સ બીએસએનએલ ઑનલાઈન પોર્ટલનો ઉપયોગ કરીને નવા પ્લાનની સાથે રિચાર્જ કરી શકે છે. કંપની આ પ્લાનને વધુ આકર્ષક બનાવવા માટે બીએસએનએલ સેલ્ફકેયર એપના માધ્યમથી ચાર ટકા સુધીનુ ડિસ્કાઉન્ટ ઑફર કરી રહી છે. આ સિવાય રિચાર્જ પ્લાન થર્ડ પાર્ટી એપ્સ Google પે અને પેટીએમ દ્વારા પણ ઉપયોગ કરી શકાય છે.