જેમ-જેમ JioFiberની સેવા શરૂ થવાનો સમય નજીક આવી રહ્યો છે તેમ-તેમ બાકી કંપનીઓ ગ્રાહકોને પ્રોત્સાહિત કરવા માટે નવી-નવી ઑફર્સ લોન્ચ કરી રહી છે. આ વચ્ચે ટેલિકૉમ સેક્ટરની સરકારી કંપની ભારત સંચાર નિગમ લિમિટેડ (BSNL)એ પોતાના બ્રોડબેન્ડ યૂઝર્સ માટે 3 નવા Data ka Sixer કોમ્બો પેક્સ લોન્ચ કર્યા છે. આ ત્રણેય પ્લાન્સમાં યૂઝર્સને અનલિમિેટેડ ડેટા અને ફ્રી કૉલિંગ જેવી સુવિધાઓ મળશે.
લોન્ચ કરવામાં આવેલા 3 પેક્સમાં 675 રૂપિયા 845 રૂપિયા અને 1199 રૂપિયાના પ્લાન્સ શામેલ છે. આ પેક્સની વાત કરવામાં આવે તો 675 રૂપિયાના પ્લાનમાં યૂઝર્સને દરરોજ 5GB હાઇ સ્પીડ ડેટા મળશે એટલે કે મહિનામાં કુલ 150GB ડેટા મળશે. પ્લાનમાં ડેટાની સ્પીડ 10mbps હશે. ઇન્ટરનેટની સાથે પ્લાનમાં દેશના તમામ નેટવર્ક પર ફ્રીમાં કૉલિંગની સુવિધા મળશે. 845 રૂપિયાના પ્લાનમાં 300GB ડેટા મળશે. એટલે કે પ્રતિદિવસ 10GB ડેટા મળશે જેની ઇન્ટરનેટ સ્પીડ પર 10mbps હશે.
તો 1199 રૂપિયાના પ્લાનમાં પ્રતિદિવસ 20GB ડેટા મળશે જે મહિનાના હિસાબે 600GB હશે. બંને પેક્સમાં ફ્રી કૉલિંગની સુવિધા મળશે. આ પહેલા કંપનીએ પોતાના કેટલાક પોસ્ટપેડ પ્લાન્સની પસંદગી પર 1 વર્ષની એમેઝોન પ્રાઇમ મેમ્બરશિપ આપવાની જાહેરાત કરી હતી. થોડા દિવસ પહેલા જ BSNLએ પોતાના 249 રૂપિયાના પ્લાનને રિવાઇઝ કર્યો હતો રિવાઇઝ કર્યા પછી આ પ્લાનની કિંમત 299 રૂપિયા થઇ ગઇ અને તેમાં ત્રણ ગણો વધારે ડેટા મળશે.