ભારત સંચાર નિગમ લિમિટેડ (BSNL) વર્તમાન સમયમાં એકમાત્ર એવી ટેલિકોમ કંપની છે જે પોસ્ટપેડ યુઝર્સ માટે એન્યુઅલ પ્લાન્સ ઉપલબ્ધ કરાવે છે. એરટેલ, રિલાયન્સ જિયો અને વોડાફોન આઈડિયા 365 દિવસવાળા પ્રીપેડ પ્લાન્સ ઓફર કરે છે પણ આમાંથી એકેય કંપની પાસે પોસ્ટપેડ યુઝર્સ માટે કોઈ વાર્ષિક પ્લાન નથી. તમને જણાવી દઈએ કે, BSNL યુઝર્સને ઘણાં શાનદાર પોસ્ટપેડ પ્લાન્સ ઓફર કરે છે.
માત્ર BSNL પોસ્ટપેડ યુઝર્સ માટે એન્યુઅલ પ્લાન્સ ઉપલબ્ધ કરાવે છે
BSNL યુઝર્સને ઘણાં શાનદાર પોસ્ટપેડ પ્લાન્સ ઓફર કરે છે
અન્ય કોઈ કંપની એન્યુઅલ પોસ્ટપેડ પ્લાન્સ ઓફર કરતી નથી
99 રૂપિયાથી શરૂ પોસ્ટપેડ પ્લાન્સ
BSNL પાસે પોસ્ટપેડ પ્લાન્સની મોટી રેન્જ ઉપલબ્ધ છે. આ પ્લાન્સની શરૂઆત 99 રૂપિયાથી થાય છે. 99 રૂપિયાના પ્લાનમાં પણ BSNL એન્યુઅલ પેમેન્ટનો ઓપ્શન આપે છે. તેના માટે યુઝરે 1115 રૂપિયા આપવાના હોય છે. આ પ્લાનમાં યુઝરને 500 એમબી ડેટા, 100 એસએમએસ અને વોઈસ કોલિંગ પણ મળે છે.
149 રૂપિયાનો પ્લાન
આ પ્લાનમાં પણ યુઝરને 100 એસએમએસની સાથે 500 એમબી ડેટા મળે છે. આ સિવાય કોલિંગ માટે 100 મિનિટ મળે છે. આના એન્યુઅલ પેમેન્ટ માટે યુઝરે 1677 રૂપિયા ચૂકવવા પડશે.
225 રૂપિયાનો પ્લાન
આ પોસ્ટપેડ પ્લાનમાં યુઝરને 3 જીબી ડેટાની સાથે 100 એસએમએસ અને 180 મિનિટ વોઈસ કોલિંગ મળે છે. આના એન્યુઅલ પેમેન્ટ માટે યુઝરે 2532 રૂપિયા ચૂકવવા પડશે.
1525 રૂપિયાનો પ્લાન
આ કંપનીનો પ્રીમિયમ પોસ્ટપેડ પ્લાન છે. આના એન્યુઅલ પેમેન્ટ માટે યુઝરે 17,164 રૂપિયા ચૂકવવા પડશે. જોકે, નોંધનીય છે કે કંપની આ પ્લાન્સનું એન્યુઅલ પેમેન્ટ એડવાન્સમાં લઈ લે ચે.
BSNL પ્રીપેડ Vs પોસ્ટપેડ પ્લાન
BSNL તેના પોસ્ટપેડ પ્લાન્સમાં એન્યુઅલ પેમેન્ટનો ઓપ્શન તો આપે છે પરંતુ આ પ્લાન્સ માટે તમારે એન્યુઅલ પેમેન્ટ એડવાન્સ કરવાનું હોય છે. તો આમ જોવા જઈએ તો તેને પોસ્ડપેડ પ્લાન્સ ન કહેવાય. આ સિવાય BSNL ઘણાં એન્યુઅલ પ્રીપેડ પ્લાન્સ પણ ઓફર કરે છે. કંપની 1699 રૂપિયા અને 1999 રૂપિયાના બે એન્યુઅલ પ્રીપેડ પ્લાન આપે છે. 1999 રૂપિયામાં યુઝરને અનલિમિટેડ વોઈસ કોલિંગ (250 મિનિટ રોજ) મળે છે. આ સિવાય 100 એસએમએમ રોજના પણ આ પ્લાનમાં મળે છે.