ઇન્ટરનેટ / હવે BSNL ઇન્ટરનેટ ચાલશે હવા અને પાણીમાં, સરકાર દ્વારા મળ્યું લાઇસન્સ

ભારતીય હવાઇ કંપનીઓ કરી શકશે પ્રયોગઃ
બીએસએનએલનાં ઇન્ટરનેટનો પ્રયોગ તે તમામ એરલાઇન્સ કરી શકશે, જે ભારતમાં પરિચાલન કરે છે અથવા તો પછી ભારતીય હવાઇ સીમાથી ઉડીને વિદેશમાં જાય છે. કંપનીઓ બીએસએનએલનાં કેએ બૈંડ, સ્વિફ્ટ બ્રોડબૈંડ અને ફ્લીટ બ્રોડબૈંડ સેવા લઇ શકશે. આ સેવા ભારતીય સમુદ્રી સીમામાં પરિચાલન કરી રહેલ પાણીનાં જહાજો પર પણ લાગુ થશે.

આ વર્ષનાં અંત સુધી શરૂ થશે સેવાઃ
ઇનમારસેટ અને બીએસએનએલ આ વર્ષનાં અંત સુધી પોતાની સેવાઓને શરૂ કરી દેશે. આને માટે કંપની પોતાનું ઇન્ફ્રાસ્ટ્રક્ચર લગાવવાનું કામ શરૂ કરવા જઇ રહી છે.

યાત્રીઓને મળશે ઓન બોર્ડ વાઇફાઇઃ
અત્યાર સુધી ભારતમાં યાત્રીઓને વિમાનમાં સફર દરમ્યાન વાઇફાઇની સુવિધા નથી મળતી. જો કે હાલમાં લુફ્થાંસા, કતર એરવેઝ અને સ્પાઇસજેટે પોતાનાં વિમાનોમાં વાઇફાઇની સુવિધા આપવાની જાહેરાત કરી છે. આ શરૂઆત બાદ યાત્રી ઇન્ટરનેટને આધારે વીડિયો જોઇ શકશે અને પોતાનાં જરૂરી કામ પણ કરી શકશે.