સરકારી ટેલિકોમ કંપની ભારત સંચાર નિગમ લિમિટેડ (BSNL)એ ક્રિસમસ અને નવા વર્ષના ખાસ અવસર પર કેટલીક નવી ઓફરની જાહેરાત કરી છે. ટેલિકોમ કંપનીએ માહિતી આપી છે કે, પ્રમોશનલ ઓફર હેઠળ 1,999 રૂપિયાવાળા પ્લાનની વેલિડિટી હવે 60 દિવસની વધુ વેલિડિટી મળશે. આ ઓફર આજથી એટલે કે 25 ડિસેમ્બરથી મળશે. ઉપરાંત, આ ઓફર આવતા વર્ષે 31 જાન્યુઆરી સુધી ચાલુ રહેશે.
આ કંપની લાવી ક્રિસમસ અને નવા વર્ષની બેસ્ટ ઓફર
2 પ્રીપેડ પ્લાનમાં મળશે વધુ ટોક ટાઈમ
આ પ્લાનમાં વધુ વેલિડિટીની ઓફર આપશે
એટલે કે, આ ઓફર હેઠળ, ગ્રાહકોને રૂપિયા 1,999ના પ્રીપેડ પ્લાનમાં 365 દિવસની વેલિડિટીને બદલે 425 દિવસની વેલિડિટી મળશે. સાથે જ BSNL દ્વારા નિશ્ચિત સમય માટે પસંદ કરેલાં પ્રીપેડ પ્લાન્સ પર એડિશનલ ટોક ટાઇમ આપવામાં આવી રહ્યા છે. આ પ્લાન 450 રૂપિયા અને 250 રૂપિયાના છે.
425 દિવસની વેલિડિટી આપી રહી છે કંપની
BSNLની ક્રિસમસ અને ન્યૂ યર ઓફર વિશે વિગતવાર વાત કરીએ તો, કંપની હવે 1,999 રૂપિયાના પ્રીપેડ પ્લાનમાં 365 દિવસની જગ્યાએ 425 દિવસની વેલિડિટી આપી રહી છે. આ પ્લાનમાં દરરોજ 3 જીબી ડેટા આપવામાં આવે છે, કોઈપણ નેટવર્ક પર અનલિમિટેડ કોલિંગ અને રોજના 100 SMS મળશે. આ પ્લાનની વેલિડિટી વધારવાની સાથે કંપની 365 દિવસ માટે ફ્રી BSNL ટ્યૂન અને ફ્રી BSNL ટીવી સબ્સક્રિપ્શન પણ આપવામાં આવે છે. આ ઓફર આવતા વર્ષે 31 જાન્યુઆરી સુધી ચાલુ રહેશે.
ઓફર મર્યાદિત સમય માટે મળશે
આ સિવાય કંપનીએ તેના બે પ્રીપેડ પ્લાનમાં એડિશનલ ટોક ટાઇમ આપવાનું શરૂ કર્યું છે. કંપનીને હવે 450 રૂપિયાના પ્રીપેડ પ્લાનમાં 500 રૂપિયાનો ટોક ટાઇમ અને 250 રૂપિયાના પ્લાનમાં 275 રૂપિયાનો ટોક ટાઇમ આપશે. આ ઓફર મર્યાદિત સમય માટે લાઈવ રહેશે. આ ઓફર આવતા વર્ષે 2 જાન્યુઆરીએ ખતમ થઈ જશે.