બિઝનેસ / નાણાંકીય સંકટમાં હોવા છતાં આ સરકારી કંપનીએ Jioને પછાડી, સૌથી વધુ ગ્રાહકો થયા

BSNLએ નવા યુઝર્સને જોડવાના મામલે ડિસેમ્બર 2019માં પ્રથમ વાર રિલાયન્સ Jioને પાછળ છોડી દીધું છે. 

પાછલા વર્ષ ડિસેમ્બરમાં પ્રીપેડ ટેરીફમાં વધારાનો સૌથી વધુ ફાયદો BSNLને થયો છે. સરકારી કંપની BSNLએ ડિસેમ્બર 2019માં દેશના બીજા ટેલિકોમ ઓપરેટરની હરીફાઈમાં સૌથી વધારે નવા સબસ્ક્રાઈબર જોડ્યા છે. નવા યુઝર્સ જોડવાના મામલે BSNL બાદ બીજા નંબર પર Jio રહ્યું છે.  ખાસ વાત તે છે કે લોન્ચ થયા બાદ પ્રથમ એવો મહિનો રહ્યો છે કે જ્યારે Jioએ 5 મિલિયનથી ઓછા યુઝર્સ જોડ્યા.

BSNLએ પાછલા વર્ષે ડિસેમ્બરમાં 4.2 લાખ નવા યુઝર્સ બનાવ્યા.  જ્યારે Jio માત્ર 82,308 કસ્ટમર જ જોડી શકી હતી. બીજી તરફ ડિસેમ્બરમાં સૌથી વધારે વોડાફોન - આઈડિયાના કસ્ટમર પણ ઓછા થયા. 

અત્યારે પણ રિલાયન્સ Jio સૌથી આગળ

Jioએ સપ્ટેમ્બર 2016માં માર્કેટમાં એન્ટ્રી કરી અને ત્યારબાદ તેમના દર મહીને એવરેજ 5 મિલિયનથી વધારે યુઝર્સ જોડ્યા હતા. પરંતુ પહેલી વાર ડિસેમ્બરમાં યુઝર્સ જોડાવાનો આંકડો ખુબ ઓછો રહ્યો છે. જીયોનો હાલનો માર્કેટ શેર 32.14% છે.

BSNLએ પહેલીવાર Jioને પાછળ છોડ્યું

BSNLએ ડિસેમ્બરમાં સૌથી વધારે 427,089 નવા યુઝર્સ જોડ્યા અને પ્રથમવાર Jioને પાછળ છોડ્યું.જ્યારે બીજી બાજુ આઈડિયા-વોડાફોને 35 લાખથી વધુ ગ્રાહકો ગુમાવ્યા.

કોનો કેટલો માર્કેટ શેર
 

દેશની ટેલિકોમ ઇન્ડસ્ટ્રી પર Jioનો દબદબો છે. Jioનો માર્કેટ શેયર 32.14% છે. આ બાદ 28.89% માર્કેટ શેયર સાથે વોડાફોન-આઈડિયા બીજા નંબર પર છે. અને  28.43% સાથે એરટેલ ભારતી ત્રીજા સ્થાન પર છે. જ્યારે 10.26%ની હિસ્સેદારી સાથે BSNL ચોથા સ્થાન પર છે.