BSNL થોડાક-થોડાક દિવસે પોતાના ગ્રાહકો માટે નવી નવી ઓફર લોન્ચ કરે છે. BSNL ની 4G સર્વિસની ચર્ચા છેલ્લા વર્ષથી જ છે, તો હવે કંપનીએ પોતાના ગ્રાહકોને મોટી ભેટ આપતા BSNL 4G Plus સર્વિસ લોન્ચ કરી છે. એની જાણકારી સૌથી પહેલા ટેલીકૉમટૉકે પોતાના એક રિપોર્ટ દ્વારા આપી છે.
સૌથી પહેલા તમને જણાવી દઇએ કે BSNL ની આ સેવા એક હૉટ-સ્પૉટ સેવા છે. જેના દ્વારા લોકોને હાઇ-સ્પીડ ઇન્ટરનેટ આપવામાં આવશે. લોકોની સુવિઘા માટે કંપની દેશભરમાં દરેક જગ્યાએ BSNL નું વાઇ-ફાઇ હૉટ-સ્પૉટ લગાવશે, જેના દ્વારા લોકોને ઇન્ટરનેટ મળશે.
એના ફાયદાની વાત કરીએ તો BSNL વાઇ-ફાઇ હૉટ-સ્પૉટ રેંજમાં તમે સરળતાથી તમારા ફોનમાં 4G ડેટા ઉપયોગ કરી શકશો. એવામાં તમે BSNL ના આ વાઇ-ફાઇ નેટવર્કનો ઉપયોગ ખુદના ફોનના નેટવર્કના રૂપમાં કરી શકશો.
રિપોર્ટ પ્રમાણએ BSNL ની 4G Plus સર્વિસનો ફાયદો ત્રણ રીતોથી ઊઠાવી શકાય છે. એમાં પહેલી રીત એક્સટેન્સિલ ઑથેન્ટિકેશન પ્રોટોકૉલ (EAP), બીજી રીત નૉન એક્સટેમ્સિબલ ઑન્થેટિકેશન પ્રોટોકૉલ અને ત્રીજી રીત મોબાઇલ એપ છે.
ઇએપી દ્વારા BSNL ના 4G Plus નો લાભ ઊઠાવવા માટે તમારે તમારા ફોનનું વાઇ-ફાઇ ઓન કરવું પડશે અને ત્યારબાદ સર્ચ રિઝલ્ટ્સમાંથી BSNL 4G Plus ને સિલેક્ટ કરવું પડશે. ત્યારબાદ સિમ ઑથેન્ટિકેશન માટે ઇએપીને સિલેક્ટ કરવું પડશે. ઓન્થેટિકેશન બાદ તમે તમારા નેટવર્કને જોઇન્ટ કરી શકશો અને ઇન્ટરનેટનો ઉપયોગ કરી શકશો.
નોન ઇપીએ દ્વારા તમે તમારા ડિવાઇસમાં BSNL ના 4G Plus નો ઉપયોગ કરવા ઇચ્છો છો તો સૌથી પહેલા વાઇ-ફાઇ કરીને bsnl 4G Plus ને સર્ચ રિઝલ્ટમાંથી સિલેક્ટ કરો. ત્યારબાદ પિન પ્રાપ્ત કરવા માટે તમારો મોબાઇલ નંબર નાંખો. ત્યારબાદ તમે પિન નાંખીને તમે ઇન્ટરનેટ એક્સેસ કરી શકશો. આ રીત લેપટોપ જેવા ડિવાઇસ માટે છે.
મોબાઇલ એપ દ્વારા પણ ઉપયોગ કરી શકો છો. એના માટે તમારે સૌથી પહેલા તમારા ફોનમાં BSNL 4G Plus એપ ડાઉનલોડ કરવી પડશે.