બકરી ઈદ નિમિતે BSF ગુજરાત ફ્રંટિયરે પાકિસ્તાન રેન્જર્સને મિઠાઈ આપી શુભેચ્છા પાઠવી હતી.
BSFએ પાકિસ્તાની રેન્જર્સને પાઠવી શુભેચ્છા
બકરી ઈદ હોવાથી પાઠવી શુભેચ્છા
મિઠાઈનું કર્યું આદાન-પ્રદાન
આજે બકરી ઈદ હોવાથી BSF ગુજરાત ફ્રંટિયરે પાકિસ્તાન રેન્જર્સને શુભેચ્છા પાઠવી અને મિઠાઈઓનું આદાન-પ્રદાન કર્યું હતું. ગુજરાત ફ્રંટિયરે ગુજરાતના કચ્છ અને રાજસ્થાનના બાડમેર જિલ્લાની ભારત-પાકિસ્તાન આંતરરાષ્ટ્રીય સહદર પરથી મિઠાઈનું આદાન-પ્રદાન બકરી ઈદની ઉજવણી કરી હતી. ઉલ્લેખનીય છે કે, BSF અને પાકિસ્તાની રેન્જર્સ પરસ્પર ભાઈચારાની ભાવનાનો વધારો કરવાના હેતુથી મુખ્ય તહેવારો પર મીઠાઇનું આદાન-પ્રદાન કરી એકબીજાને શુભેચ્છા પાઠવાતા હોય છે.
બકરી ઈદ નિમિતે શુભેચ્છા પાઠવી મીઠાઈની કરી આપ-લે
બકરી ઈદ નિમિતે ગુજરાતમાં કચ્છ અને બનાસકાંઠાની આંતરરાષ્ટ્રીય સરહદો અને રાજસ્થાનના બાડમેર જિલ્લાના મુનાવબાઓ, ગદરા, વર્ણહાર, કેલનોર અને સોમરરમાં મીઠાઈની આપ-લે કરવામાં આવી હતી. BSF અને પાકિસ્તાન રેન્જર્સ સદ્ભાવના, સૌહાર્દ અને ભાઈચારાને પ્રોત્સાહન આપવા બકરી ઈદ નિમિતે શુભેચ્છા પાઠવી હતી અને મીઠાઈની આપ-લે કરે કરી ઉજવણી કરી હતી. નોંધનીય છે કે, BSF અને પાકિસ્તાન રેન્જર્સ વચ્ચે સરહદ પર મૈત્રીપૂર્ણ વાતાવરણ અને શાંતિપૂર્ણ વાતાવરણ જાળવવામાં આવા પ્રસંગો મહત્વપૂર્ણ ભૂમિકા ભજવે છે.
સીમા સુરક્ષા દળના જવાનો દ્વારા પાકિસ્તાની રેન્જર્સને શુભેચ્છા
મહત્વનું છે કે લોકો હર્ષોલ્લાસથી પરિવાર સાથે મળીને તમામ તહેવારોની ઉજવણી કરતા હોય છે પરંતુ દેશની સુરક્ષા માટે સરહદ પર તૈનાત રહેતા BSFના જવાનો પરિવાર સાથે તહેવારની ઉજવણી કરી શકતા નથી, ત્યારે દર વખતની જેમ આ વર્ષે સીમા સુરક્ષા દળના જવાનો દ્વારા પાકિસ્તાની રેન્જર્સને શુભેચ્છા અને મીઠાઈ આપવાના કાર્યક્રમનું આયોજન કરવામા આવ્યું હતું.