BIG BREAKING / કામના ભારણથી કંટાળેલા BSFના જવાને કર્યું અંધાધૂંધ ફાયરીંગ, પોતાના જ 5 સાથી મિત્રોને મોતને ઘાટ ઉતાર્યા

• અમૃતસરમાં મોટી દુર્ઘટના
• એક જવાનો ફાયરીંગ કરતા 5ના મોત
• કેટલાય થયાં ઘાયલ

પંજાબના અમૃતસરમાં બીએસએફની મેસમાં એક જવાને ફાયરીંગ શરૂ કરી દીધું હતું. જાણકારી અનુસાર જોઈએ તો, ગોળી વાગવાથી 8થી 10 જેટલા જવાનો ઘાયલ થઈ ગયા હતાં, તો વળી 5 જવાનોના મોત પણ થયા હતા. પ્રાપ્ત વિગતો અનુસાર જોઈએ તો, ફાયરીંગ કરનારા જવાને પોતાની જાતને પણ ગોળી મારી દીધી હતી. તેને ગંભીર હાલતમાં હોસ્પિટલમાં ભરતી કરવામાં આવ્યો છે. 

પોલીસે આ મામલે તપાસ શરૂ કરી દીધી છે. તમામ ઘાયલોને ગુરૂ નાનક દેવ હોસ્પિટલમાં ભરતી કરવામાં આવ્યા છે. જાણકારી અનુસાર જોઈએ તો, ગોળી ચલાવનારો શખ્સ બીએસએફનો જ જવાન છે. આરોપ છે કે, તેની પાસેથી વધારે કામ લેવામાં આવી રહ્યું હતું.

5 troops were injured today due to fratricide committed by Ct Satteppa SK at HQ 144 Bn Khasa, Amritsar. Ct Satteppa S K was also injured. Out of the 6 injured, 5 troops incl Ct Satteppa, have lost their lives, one critical. A court of inquiry has been ordered: BSF pic.twitter.com/d17FzAdFkl

— ANI (@ANI) March 6, 2022

કહેવાય છે કે, બીએસએફના કોન્સ્ટેબલ સુતપ્પાએ ગોળી ચલાવી હતી. તે મહારાષ્ટ્રનો રહેવાસી છે. વધારે ડ્યૂટી લાગવાના કારણે સુતપ્પા ખૂબ જ પરેશાન હતો. તેને લઈને તેણે એક અધિકારી સાથે બોલાચાલી પણ થઈ હતી. રવિવારની સવારે તેણે પોતાની રાઈફલથી ફાયરીંગ શરૂ કરી દીધું હતું. ગોળી ચલાવ્યા બાદ મેસમાં ભાગદોડ મચી ગઈ હતી અને કેટલાય લોકો ઘાયલ થઈ ગયા હતા. આ ઘટના બાદ ત્યાં બે જવાનોના મોત પણ થઈ ગયા હતા. બાકીને હોસ્પિટલમાં ભરતી કરવામાં આવ્યા છે. 

ગોળીબાર બાદ સુતપ્પાએ ખુદને પણ ગોળી મારી દીધી હતી. ઘટનાસ્થળે તુરંત બીએસએફના અધિકારી પહોંચ્યા હતા. મૃતકોના શબને પોલીસે કબ્જામાં લઈને પોસ્ટમોર્ટમ માટે મોકલી આપ્યા છે. ઘાયલોના ઘરવાળાઓને પણ જાણકારી આપવામાં આવી છે.