ખેડાના ચકલાસીના વનીપુરામાં BSF જવાનની હત્યા મામલો સામે આવ્યો છે. મેલાજી વાઘેલા નામના BSF જવાનની હત્યા થઈ છે. આરોપીઓએ જવાનની પુત્રીનો વીડિયો વાયરલ કર્યો હતો જે વીડિયો મામલે આરોપીના ઘરે ઠપકો આપવા જતા સમગ્ર મામલો બિચકાયો હતો. નડિયાદના વનીપુરામાના યુવાને BSF જવાનની પુત્રીનો વીડિયો બનાવી વાયરલ કરતાં યુવાનને ઠપકો આપવા ગયેલા BSF જવાન પર ધારીયા અને લાકડી લઈ 7 લોકો હુમલો કર્યો હતો.
ખેડાના ચકલાસીના વનીપુરામાં BSF જવાનની હત્યા
BSF જવાન મેલાજી વાઘેલા પર આરોપીના પરિવારે તીક્ષ્ણ હથિયાર વડે હુમલો કર્યો હતો. હુમલામાં જવાન સહિત તેમનો પરિવાર ગંભીર ઈજાગ્રસ્ત થયું હતું જેમાં હોસ્પિટલમાં સારવાર દરમિયાન BSF જવાનનું મોત થયું છે. હત્યા મામલે 2 મહિલા સહિત 7 લોકોની પોલીસે કરી અટકાયત કરી છે. પોલીસે હત્યા મામલે આગળની કાર્યવાહી હાથધરી છે.
આણંદમાં યુવક ઉપર જીવલેણ હુમલો
આણંદમાં બોરસદમાં ભાજપના કાર્યકર ચંદ્રેશ પટેલ નામના યુવક પર જીવલેણ હુમલો થયો હતો. કરનાર આરોપીઓને LCBએ ઝડપી લીધા છે. સમગ્ર મામલાને લઈ પોલીસ વધુ તપાસ હાથ ધરી છે. તેમજ પપ્પુ રબારી સહિત અન્ય 4 લોકોની પોલીસે અટકાયત કરી છે.