વાયરલ / VIDEO : ભારે બરફવર્ષામાં જવાનોએ દેખાડી ગજબની સ્ફૂર્તિ, વીડિયો જોઈને હેરાન થયા લોકો, બોલ્યાં..

•  બરફવર્ષામાં બે જવાનોની કસરતનો વધુ એક વીડિયો વાયરલ 
•  બરફવર્ષામાં આવી રીતે જવાનો જાતને રાખી રહ્યાં છે ફીટ
• જવાને 40 સેકન્ડમાં 47 પુશઅપ્સ કરીને ફીટનેશ દેખાડી 

જમ્મુ કાશ્મીરમાં આજકાલ ભારે બરફવર્ષા અને ગાત્રો થીજાવી દેતી ઠંડી પડી રહી છે. સરહદની ચોકી કરી રહેલા ભારતીય જવાનોનો વધુ એક વીડિયો વાયરલ થયો છે. સરહદીય સુરક્ષા દળ (BSF)ના સત્તાવાર ટ્વિટર હેન્ડલ પરથી શેર કરવામાં આવેલા વીડિયોમાં BSFના બે જવાનો બરફમાં કસરત કરી રહેલા દેખાય છે. આવી વિષય પરિસ્થિતિમાં પણ પોતાની જાતને ફીટ રાખવાની તેમની ટેવ જોઈને લોકો આફરીન થયા છે. પહેલી ક્લિપમાં એક જવાન બર્ફીલી જમીન પર એક હાથથી પુશઅપ્સ કરી રહ્યો છે તો બીજો જવાન 40 સેકન્ડમાં 47 પુશઅપ્સ કરી રહેલો જોઈ શકાય છે.

One Handed Push Ups.
How many can YOU?
Bring it ON.#FitIndiaChallenge@FitIndiaOff@IndiaSports@PIBHomeAffairs https://t.co/HxadaZ3CcH pic.twitter.com/pcRwl2kTks

— BSF (@BSF_India) January 23, 2022

બર્ફીલી પહાડીઓ પર ઉઘાડા ડીલે વર્કઆઉટનો વીડિયો પણ વાયરલ થયો હતો 
આ પહેલા ભારતીય સેનાનો એક વીડિયો વાયરલ થયો હતો જેમાં જવાનો બર્ફીલી પહાડીઓ પર ઉઘાડા ડીલે વર્કઆઉટ કરી રહેલા દેખાતા હતા. આ ક્લિપને આઈપીએસ અધિકારીએ શેર કરતા લખ્યું કે બર્ફીલી ઠંડી એ વીરોનું શું બગાડી લેવાની હતી, જેમના હૃદયમાં જોશનો અગ્નિ ભભકી રહ્યો છે અને નસોમાં ગરમ લાવા વહી રહ્યો છે. 

વીડિયો જોઈને લોકો થયા આફરીન

આવી ઠંડીમાં કસરત કરતો જવાનોનો વીડિયો જોઈને લોકો આફરીન થયા હતા અને તેમની હિંમતના ભારોભાર વખાણ કર્યાં હતા.