BIG NEWS / નાપાક હરકત : BSFએ કચ્છના સરક્રીકમાંથી પાકિસ્તાની નાગરિક સાથે બે બોટ ઝડપી

• BSFને કચ્છના સરક્રીકમાંથી મળી પાકિસ્તાની બોટ 
• સીમા સુરક્ષા દળે આ મામલાની તપાસ શરૂ કરી દીધી છે. 
• BSF ગુજરાત ફ્રન્ટિયરે આ અંગે ટ્વિટ કરીને જાણ કરી 

ભારતના પાડોશી દેશ પાકિસ્તાનની ફરી એક વાર અવળચંડાઈ સામે આવી છે. પરંતુ બોર્ડર સુરક્ષા દળોએ તેને નાકામ કરી દીધી છે. BSFના જવાનોની બાજ નજરે ષડયંત્રને નિષ્ફળ કરી દીધું છે. મળતા અહેવાલ પ્રમાણે કચ્છના સરક્રીક પાસેથી BSFના જવાનોએ ત્રણ પાકિસ્તાની બોટ સહિત પાકિસ્તાની એક માછીમારને ઝડપવામાં સફળતા મળી છે.

#BSF BHUJ SEIZES 02 PAK FISHING BOATS IN SIR CREEK.

On 16.03.2022, @BSF_Gujarat troops patrolling in Sir Creek area observed movement of 02 Pak Fishing Boats with 4-5 Pakistani fishermen. Troops rushed to the spot crossing swamps and nalahs, on seeing pic.twitter.com/oLcXneioGf

— BSF GUJARAT (@BSF_Gujarat) March 16, 2022

સીમા સુરક્ષા દળે આ મામલાની તપાસ શરૂ કરી દીધી છે. 

તમને જણાવી દઈએ કે BSFના જવાનો બોર્ડર પર પેટ્રોલિંગ કરી રહ્યા હતાં, ત્યારે તેમને શંકાસ્પદ બોટ દેખાતા તુંરત જ એક બોટને પોતાના કબ્જામાં લઈને તપાસ શરૂ કરી હતી.આ દરમિયાન BSF જવાનોએ એક પાકિસ્તાની નાગરિક ઝડપાઈ ગયો હતો, જ્યારે બાકીના માછીમારો બોટ છોડીને નાસી છૂટવામાં સફળ રહ્યા હતા. સીમા સુરક્ષા દળે આ મામલાની તપાસ શરૂ કરી દીધી છે. 

BSF ગુજરાત ફ્રન્ટિયરે આ અંગે ટ્વિટ કરીને જાણ કરી 

આ અંગે BSF ગુજરાત ફ્રન્ટિયરે એક નિવેદન બહાર પાડીને જણાવ્યું હતું કે, “BSFએ એક પાકિસ્તાની માછીમારને પકડ્યો અને બે પાકિસ્તાની માછીમારી બોટ જપ્ત કરી, બાકીના પાકિસ્તાની માછીમારો સિરક્રીક વિસ્તારમાં કાદવ અને ભેજવાળા વિસ્તારનો લાભ લઈને પાકિસ્તાનના વિસ્તારમાં ભાગી છૂટવામાં સફળ થયા.”