જલ્દી કરો / 1.42 લાખ રૂપિયા મળશે સેલરી: BSFમાં અનેક પદો પર નીકળી ભરતી, આજે જ ભરી દો ફૉર્મ

• BSF દ્વારા SI, JE અને ઇન્સ્પેક્ટરના પદ માટેની ભરતી બહાર પડાઇ
• અરજી કરવા માટેની અંતિમ તારીખ છે 8 જૂન
• સિલેક્ટ થયેલા ઉમેદવારોને મળશે 7માં પગાર પંચનો લાભ

આજે સૌ કોઇ નવયુવાન એવું ઇચ્છે છે કે, તેને જલ્દીમાં જલ્દી સરકારી નોકરી મળી જાય. ત્યારે જે કોઇ નવયુવાન BSFમાં સામેલ થવા ઇચ્છતા હોય તેમની માટે આ શાનદાર તક આવી છે. BSFએ ગ્રુપ Bની ભરતી 2022 માટેનું નોટિફિકેશન જાહેર કર્યું છે. જેમાં ઇન્સ્પેક્ટર, સબ-ઇન્સ્પેક્ટર અને જુનિયર એન્જિનિયરના પદ પર અરજી માંગવામાં આવી છે. ત્યારે સરકારી નોકરી ઇચ્છતા યોગ્ય ઉમેદવારો BSFની ભરતી માટેની ઓફિશિયલ વેબસાઇટ rectt.bsf.gov.in પર જઇને ઓનલાઇન એપ્લાય કરી શકે છે. ઓનલાઇન અરજી માટેની અંતિમ તારીખ 8 જૂન છે. જણાવી દઇએ કે, નોકરી મેળવાવા ઇચ્છતા ઉમેદવારોને 7માં પગાર પંચ (7th Pay Commission) અંતર્ગત સેલરી આપવામાં આવશે.

જાણો કેટલાં પદ માટે ભરતી બહાર પડાઇ?

ઇન્સ્પેક્ટર (આર્કિટેક્ટ) : 1 પદ

સબ-ઇન્સ્પેક્ટર: 57 પદ

જુનિયર એન્જિનિયર/ સબ-ઇન્સ્પેક્ટર (ઇલેક્ટ્રિકલ): 32 પદ

શૈક્ષણિક લાયકાત

ઇન્સ્પેક્ટર (આર્કિટેક્ટ): માન્ય યુનિવર્સિટી અથવા સંસ્થામાંથી આર્કિટેક્ચરમાં સ્નાતકની ડિગ્રી પ્રાપ્ત કરેલી હોવી જોઇએ.

સબ-ઇન્સ્પેક્ટર: માન્યતા પ્રાપ્ત સંસ્થામાંથી સિવિલ એન્જિનિયરિંગમાં ત્રણ વર્ષ ડિપ્લોમા કરેલું હોવું જોઇએ.

જુનિયર એન્જિનિયર/ સબ-ઇન્સ્પેક્ટર (ઇલેક્ટ્રિકલ): આ પોસ્ટ માટે ઇલેક્ટ્રિકલ એન્જિનિયરિંગમાં 3 વર્ષ ડિપ્લોમા કરેલું હોવું જોઇએ.

જાણો કેવી રીતે એપ્લાય કરી શકાશે?

સૌ પહેલાં તેની ઓફિશિયલ વેબસાઇટ rectt.bsf.gov.in પર જઇને ક્લિક કરો.
વેબસાઇટ પર આપવામાં આવેલ Apply Here પર ક્લિક કરો.
હવે ભરતી માટે માંગવામાં આવેલી તમામ જાણકારી ભરીને તેને સબમિટ કરી દો.
ત્યાર બાદ ભરતી માટેની ફીની ચૂકવણી કરો.
સંપૂર્ણ પ્રક્રિયા પૂર્ણ થયા બાદ એપ્લિકેશનની પ્રિન્ટ નીકાળી લો.

જાણો કઇ રીતે કરાશે પસંદગી?

તમામ પદો પર પસંદગી માટે લેખિત પરીક્ષા, ઇન્ટરવ્યુ અને પછી શારીરિક કસોટી પણ સામેલ હશે.

ઉંમરની મર્યાદા

BSF ભરતી 2022 અભિયાનમાં સામેલ ખાલી જગ્યાઓ પર અરજી કરવા માટે યોગ્ય ઉમેદવારોની મહત્તમ વય મર્યાદા માત્ર 30 વર્ષ સુધીની જ હોવી જોઈએ. જો કે, અનામત વર્ગના ઉમેદવારોને સરકારી ધારાધોરણો મુજબ ઉપલી વય મર્યાદામાં છૂટછાટ આપવામાં આવશે. શૈક્ષણિક લાયકાત અને વય મર્યાદા સંબંધિત મહત્વપૂર્ણ જાણકારી માટે નીચે આપેલા નોટિફિકેશન લિંક પર ક્લિક કરવાનું રહેશે.

આ લિંક પર ક્લિક કરો

જાણો કેટલી હશે સેલરી?

ઇન્સ્પેક્ટર (આર્કિટેક્ટ) પદ માટે પસંદગી પામેલા લાયક ઉમેદવારોને 7માં પગાર પંચ હેઠળ રૂ. 44,900 થી લઇને રૂ. 1,42,400 ચૂકવવામાં આવશે જ્યારે પે મેટ્રિક્સ લેવલ-6 અનુસાર, સબ-ઇન્સ્પેક્ટર અને જેઇ પોસ્ટ માટે રૂ. 35,400 થી રૂ. 1,12,400 સુધીનો પગાર મળશે.

અરજી કરવા માટે ઉમેદવારે ભરવી પડશે આટલી ફી

સામાન્ય કેટેગરીના ઉમેદવારો માટે 200 રૂપિયા ફી જ્યારે મહિલા અને અન્ય તમામ અનામત વર્ગના ઉમેદવારોને અરજી ફીમાંથી મુક્તિ આપવામાં આવી છે. ઉમેદવાર અરજી માટેની ફી કોઈ પણ બેંકની નેટ બેંકિંગ સર્વિસ, કોઈ પણ બેંકના ક્રેડિટ અથવા ડેબિટ કાર્ડ દ્વારા અથવા તો નજીકના કૉમન સર્વિસ સેન્ટરે જઇને પણ ભરી શકશે.