શેરબજાર / આજે અહીં એક જ દિવસમાં રોકાણકારો 1.81 લાખ કરોડ કમાઈને થઈ ગયા માલામાલ

• સેન્સેક્સ બંધ થવાની આ અત્યાર સુધીની ઊંચી સપાટી
• સેન્સેક્સના 30 શેરોમાંથી 28 ગ્રીન માર્ક પર કારોબાર કરતા જોવા મળ્યા
• સેન્સેક્સના શેરોમાં ભારતી એરટેલને ( Bharti Airtel ) સૌથી વધુ નફો મળ્યો

અમેરિકા-ચીન ટ્રેડ વોર એગ્રીમેન્ટ ( US-China Trade War ) વચ્ચે વધતી અપેક્ષાઓ અને વૈશ્વિક બજારોમાં શેરબજાર (શેર માર્કેટ) ની વૃદ્ધિ વચ્ચે જોરદાર તેજી જોવા મળી છે.

બોમ્બે સ્ટોક એક્સચેંજ (BSE)નો ઈન્ડેક્સ સેન્સેક્સ ( Sensex ) તેજી સાથે ખુલ્યો અને ટ્રેડિંગ દરમિયાન બપોરે 3.30 વાગ્યે નવા રેકોર્ડ સ્તરે 40931.71ની સપાટીએ ગયો હતો. અંતે, તે 40,889.23 પોઇન્ટ પર બંધ રહ્યો હતો. સેન્સેક્સ બંધ થવાની આ અત્યાર સુધીની ઊંચી સપાટી. આ વધારા સાથે બીએસઈ પર લિસ્ટેડ કંપનીઓની માર્કેટ કેપિટલાઇઝેશન રૂ. 1,81,930.89 કરોડ વધીને 1,54,55,740.67 કરોડ રૂપિયા પર પહોંચી ગઈ છે.

સેન્સેક્સના 30 શેરોમાંથી 28 ગ્રીન માર્ક પર કારોબાર કરતા જોવા મળ્યા

સેન્સેક્સના શેરોમાં ભારતી એરટેલને ( Bharti Airtel ) સૌથી વધુ નફો મળ્યો છે. ભારતી એરટેલ કંપનીનો શેર 7.20 ટકા વધ્યો. તે પછી TATA Steel (4.99 ટકા), IndusInd Bank (3.49 ટકા), Axis Bank (3.26 ટકા) અને Vedanta Ltd (2.57 ટકા) છે. ONGC અને YES Bank ને બાદ કરતાં સેન્સેક્સના તમામ શેરોમાં તેજી આવી છે.