ભારતીય શેર બજાર ગત ત્રણ દિવસથી સુધારાના અણસાર જોવા મળ્યા છે. માર્ચ મહિનની શરૂઆતથી જ બોમ્બે સ્ટોક એક્સચેન્જનું માર્કેટ એકધારું ઘટતું જોવા મળ્યું હતું પરંતુ મહિનાના અંતિમ તબક્કામાં ચાલુ અઠવાડિયે તેમાં વધારો નોંધાયો છે. 23 માર્ચે માર્કેટ કેપ રૂ. 101.86 લાખ કરોડ હતું જે 26 માર્ચે બજાર બંધ થતી વખતે રૂ. 112.99 લાખ કરોડ થયેલું જોવા મળ્યું હતું.
દેશમાં કોરોના વાયરસ સામે સરકારે લીધા પગલા
માર્કેટમાં જોવા મળી તેજી
ચાલુ અઠવાડિયે સેન્સેક્સ 15.26% વધ્યો
અચાનક જોવા મળેલા આ ફેરફારોને લઇને નિષ્ણાંતો એવું માની રહ્યા છે કે, કોરોના વાયરસના ભારતમાં વધી રહેલા પ્રકોપ વચ્ચે સરકાર દ્વારા ખેડૂતો અને ગરીબો માટે જે રીતે પગલા લેવામાં આવી રહ્યા છે તેની સકારાત્મક અસર સ્ટોક માર્કેટ પર પડી રહી છે. જો કે, આગામી સમયગાળામાં અતિ ગતિ જળવાઇ રહેશે તેવી સંભાવનાઓ વ્યક્ત કરવામાં આવી છે.
માર્ચ મહિનામાં 44 લાખ કરોડ ધોવાયા
BSEની સત્તાવાર વેબસાઇટ પરથી જોવા મળતા આંકડા મુજબ જઇએ તો 2 માર્ચના રોજ માર્કેટ કેપ 145.80 લાખ કરોડ હતું. જો કે, 6 માર્ચના રોજ જાણીતી ખાનગી બેંક યસબેંકને લઇને જે સમાચારે આવ્યા તેના કારણે માર્કેટમાં નાણાનું સતત ધોવાણ થતું રહ્યું. જો કે, અત્યાર સુધીમાં (23 માર્ચ) આશરે 44 લાખ કરોડ રૂપિયાનું ધોવાણ ઘટીને 101.86 લાખ કરોડ થઇ ગયું છે.
સરકારના નિર્ણયોને કારણે નાની કંપનીઓને થશે ફાયદો
નોંધનીય છે કે, દેશના નાણામંત્રી નિર્મલા સીતારમણ દ્વારા TDS મોડો ચૂકવવા પર ભરવું પડતું વ્યાજમાં ઘટાડો કરવામાં આવ્યો, ઇન્કમટેક્સ ફાઈલિંગના સમયમાં વધારો તેમજ નાના ઉદ્યોગો માટે રાહત પેકેજ પર સરકાર કામ કરી રહી છે તે અંગે ખાતરી આપવામાં આવ્યા બાદથી બજારનું સેન્ટીમેન્ટ બદલાયું છે જે છેલ્લા ત્રણ ટ્રેડીંગ શેશનમાં જોવા મળે છે. જેના કારણે નાની કંપનીઓને ફાયદો થશે.
ચાલુ અઠવાડિયે સેન્સેક્સ 15.26% વધ્યો
ઉલ્લેખનીય છે કે, સોમવારથી ગુરુવાર સુધીમાં BSE સેન્સેક્સમાં 15.26%નો સુધારો થયો છે. 23 માર્ચે સેન્સેક્સ 25,981.24 પોઈન્ટ્સ પર બંધ આવ્યો હતો જે 26 માર્ચે 29,946.77 પોઈન્ટ્સ પર બંધ હતો. એટલે કે આ સપ્તાહમાં 3965.53 પોઈન્ટ્સનો વધારો નોંધાયો છે.