રાજસ્થાનના ચુરૂમાં એક દિવસ પહેલાં જ ફર્સ્ટ ડિવીઝન પાસ થયેલી વિદ્યાર્થીનીએ આત્મહત્યા કરતા સનસનાટી ફેલાઇ છે. તે બીએસસી નર્સિગ થર્ડ યરની વિદ્યાર્થીની હતી. તે એક ભાડાના મકાનમાં રહેતી હતી.
ચુરૂમાં વિદ્યાર્થીનીનું એક દિવસ પહેલા આવ્યું પરીણામ
આપઘાત કરી સ્યુસાઈડ નોટમાં માતા-પિતાનો માન્યો આભાર
પોલીસે વિદ્યાર્થીનીની લાશને પોસ્ટ મોર્ટમ માટે મોકલી
પોલીસને મળી સ્યુસાઈડ નોટ
પ્રિયંકા કટેવાની ઉંમર અંદાજે 22 વર્ષ હતી. તેણે આત્મહત્યા કેમ કરી તેનું કારણ બહાર આવ્યું નથી. પોલીસને મળેલી સ્યુસાઈડ નોટમાં પ્રિયંકાએ લખ્યું છે, હું દુનિયાથી પરેશાન છુ. આ દુનિયા ખૂબ સ્વાર્થી છે. તમે ગમે તેટલા સારા બનશો પણ આ લોકો તમને સમજતા નથી. બાળપણમાં જે રીતે મારી ભૂલોને માફ કરી દેવામાં આવી, તે રીતે આ વાતને ભૂલ સમજી માફ કરી દેજો. માતા-પિતા જેવો પ્રેમ દુનિયામાં કોઈ કરતુ નથી. આઈ લવ યુ માતા-પિતા એન્ડ ઓલ માય ફેમિલી. કુછ તો લોગ કહેંગે લોગો કા કામ કહેના.
જ્યારે બારીમાંથી અંદર જોયુ તો...
ઝૂંઝનુંમાં રહેતી પ્રિયંકા કટેવા ઈન્દ્રા માર્કેટમાં એક મકાનમાં ભાડે રહેતી હતી. રવિવારે તે સવારે પોતાના રૂમમાંથી બહાર નહોતી આવી. મકાન માલિકે જ્યારે દરવાજો ખખડાવ્યો તો કોઈ જવાબ મળ્યો નહીં. જ્યારે મકાન માલિકે બારીમાંથી અંદર જોયુ ત્યારે ખબર પડી કે પ્રિયંકાએ ગળે ફાંસો ખાઈ લીધો છે. સુચના મળતા પોલીસ અધિકારી સતીષ કુમાર યાદવ ઘટનાસ્થળે પહોંચ્યા હતા. તો વિદ્યાર્થીનીની લાશને પોસ્ટ મોર્ટમ માટે મોકલવામાં આવ્યો.
દિવસે પરીણામ અને રાત્રે આપઘાત
માહિતી મુજબ, શનિવારે બીએસસી નર્સિગના બીજા વર્ષનું પરીણામ આવ્યું હતુ. સાંજે પ્રિયંકાએ ફોન પર પોતાના પરિવારજનો સાથે વાતચીત કરી હતી. ત્યારબાદ શું થયુ તેની કોઈ માહિતી નથી. વિદ્યાર્થીનીએ આત્મહત્યા કેમ કરી પોલીસ તેની તપાસ કરી રહી છે. તો મકાન માલિકે જણાવ્યું કે શનિવારે રાત્રે પરિવારના એક સભ્યની તબિયત ખરાબ થઇ હતી તો પ્રિયંકાએ તેની સારવાર કરી હતી. તે વખતે તે ખૂબ નોર્મલ હતી.