દેશની જાણીતી ટૂ વ્હીલર ઉત્પાદક કંપની Suzuki Motorcycle ભારતમાં નવી BS6 Access 125 લોન્ચ કરી દીધી છે. જેની કિંમત 64,800 રૂપિયાથી લઈ 69,500 રૂપિયા એક્સ શોરૂમ નક્કી કરવામાં આવી છે.
Suzuki Motorcycle ભારતમાં નવી Access 125 લોન્ચ કરી
બીએસ 6 એન્જીન સાથે કર્યું લોન્ચ
કિંમત 64,800 રૂપિયાથી શરૂ
આ નવા સ્કૂટરમાં પર્લ ડીપ બ્લૂ, મેટાલિક મેટ સિલ્વર, વ્હાઈટ, ગ્લાસ સ્પાર્કલ બ્લેક અને મેટાલિક મેટ ગ્રેની કલર ઓપ્શનની સાથે એલોય ડ્રમ બ્રેક, એલોય ડિસ્ક બ્રેક, સ્ટીલ ડ્રમ બ્રેક આપવામાં આવી છે. તમને જણાવી દઈએ કે, ભારતીય બજારમાં આ સ્કૂટરનું સ્પેશિયલ એડિશન પણ ઉપલબ્ધ છે. જોકે, સ્પેશિયલ એડિશન માત્ર 4 કલર ઓપ્શન સાથે ઉપલબ્ધ છે.
કંપનીના ગ્રોથમાં સુઝુકી એક્સેસનો બહુ મોટો ફાળો
નવી સુઝુકી એક્સેસ 125ના લોન્ચિંગ સમયે કંપનીના મેનેજિંગ ડિરેક્ટર કહ્યું, અમે અમારી પ્રથમ બીએસ-6 પ્રોડક્ટ તરીકે એક્સેસને લોન્ચ કરી એક નવા યુગમાં પ્રવેશ કર્યો છે. કંપનીના ગ્રોથમાં સુઝુકી એક્સેસનો બહુ મોટો ફાળો છે અને અમને અમારા ગ્રાહકો પર વિશ્વાસ છે.
ફ્યૂલ ઈન્જેક્શન ટેક્નોલોજી
નવા સુઝુકી એક્સેસ 125 બીએસ-6 ડિજિટલ મીટકમાં ઈકો-અસિસ્ટ એલયૂમિનેશન, ફ્યૂલ ઈન્જેક્શન ટેક્નોલોજી, એક્સટર્નલ ફ્યૂલ રી-ફિલિંગ લીડ અને સુપર બ્રાઈટ એલઈડી હેડલેમ્પ જેવા ફીચર્સ આપવામાં આવ્યા છે. અપડેટેડ બીએસ-6 કમ્પ્લાઈન્ટ એન્જિન સુઝુકી ઈકો પર્ફોમન્સ ટેક્નિકની સાથે આવશે. જે 6,750 આરપીએમ પર 8.7 પીએસ પાવરની સાથે 5,500 આરપીએમ પર 10 એનએમ ટૉર્ક જનરેટ કરશે. વર્તમાન સમયમાં ભારતીય બજારમાં Honda Avtiva 125, TVS Jupiter Classic, Yamaha Fascino 125 અને Yamaha Ray ZR સ્કૂટરમાં બીએસ-6 કમ્પ્લાઈન્ટ છે.