થોડાક દિવસો પહેલા સમાચાર મળ્યા હતા કે મહિન્દ્રા પોતાની ગાડીઓમાં BS-6 એન્જીન આપવાનું શરૂ કરી દેશે અને આ એન્જીનોનું ટેસ્ટિંગ ચાલુ છે. મહિન્દ્રા પોતાની એન્ટ્રી સેગમેન્ટની કાર KUV 100 માં ડીઝલ એન્જીન લગાવવાનું બંધ કરશે, જ્યારે બાકીની તમામ ગાડીઓને BS-6 ડીઝલ એન્જીનની સાથે લોન્ચ કરવામાં આવશે. મહિન્દ્રા નવા એન્જીનની સાથે ગાડીઓની કિંમતમાં વધારો કરશે.
મહિન્દ્રાનું કહેવું છે કે નવા BS-6 ઇત્સર્જન માનકોના અનુરૂપ એન્જીન અપગ્રેડ કરવાનો ખર્ચ વધશે, જેનાથી ગાડીઓની કિંમતમાં વધારો થઇ શકે છે. મહિન્દ્રા પ્રમાણે નવા અપગ્રેડ ડીઝલ વર્ઝનની સાથે 4 મીટરથી લાંબી ગાડીઓની કિંમતોમાં 80 હજાર થી 1 લાખ રૂપિયા સુધીનો વધારો થઇ શકે છે. આ ગાડીઓમાં સ્કૉર્પિયો અને એક્સયૂવી 500 સામેલ છે. જ્યારે 4 મીટરથી નાની ગાડીઓ સબ-કૉમ્પેક્ટની કિંમતોમાં 60 હજારથી 80 હજાર રૂપિયા સુધીનો વધારો થઇ શકે છે.
તો બીજી બાજુ BS-6 પેટ્રોલ એન્જીન વાળી ગાડીઓની વાત કરીએ તો મહિન્દ્રા આ ગાડીઓની કિંમતમાં 25 હજાર રૂપિયા સુધીનો વધારો કરી શકે છે. આ વધારો અપગ્રેડેશનથી પહેલા જ કરવામાં આવી શકે છે. આ વધારાથી મહિન્દ્રાની એક જ વેરિએન્ટની પેટ્રોલ અને ડીઝલ ગાડીઓની કિંમતોમાં 2 થી 2.5 લાખનું અંતર આવી જશે.