જાપાની વાહન ઉત્પાદક કંપની હોન્ડાનુંએ એક્ટિવા દેશમાં સૌથી વધારે વેચાતું સ્કૂટર છે. જલ્દીથી કંપની એનું નેક્સ્ટ જનરેશન મોડલ લોન્ચ કરવાની છે. છેલ્લા કેટલાક દિવસથી નવી Activa 6Gનું ટેસ્ટિંગ કરવામાં આવી રહ્યું હતું. હવે કંપની આ સ્કૂટરને લોન્ચ કરવાની તૈયારી કરી રહી છે. રિપોર્ટ્સની માનીએ તો કંપની 21 ડિસેમ્બર આ Activa 6G લોન્ચ કરી શકે છે.
ટૂંક સમયમાં લોન્ચ થશે Activa 6G
ઓછી કિંમત અને જોરદાર ફીચર્સમાં મળશે
Activa 6Gમાં મળી શકે છે ઈન્ટરનેટ કનેક્ટિવિટી
કંપનીએ એક મીડિયા ઈન્વિટેશન પણ મોકલ્યું છે. જેમાં એક લોન્ચ અંગે પણ જણાવ્યું છે. જોકે, હાલ આ અંગે કોઈ ઓફિશિયલ માહિતી મળી નથી કે Activa 6Gને જ લોન્ચ કરવામાં આવશે. જોકે, કંપની ઘણાં લાંબા સમયથી Activa 6Gને લોન્ચ કરવાની તૈયારી કરી રહી છે. જેથી એવી ચર્ચા છે કે આ વખતે કંપની Activa 6Gને જ લોન્ચ કરશે.
આટલી કિંમતમાં મળશે જબરદસ્ત ફીચર્સ
આ સ્કૂટરમાં નવી ડિઝાઈનનું LED હેન્ડલેમ્પ, ડે ટાઈમ રનિંગ લાઈટ્સ અને આકર્ષક ટેલ લેમ્પનો પ્રયોગ કરવામાં આવ્યો છે. કંપની તેમાં સ્માર્ટ બ્રેકિંગ ટેક્નિકનો પણ પ્રયોગ કરી શકે છે. જેથી સ્પીડમાં પણ સંતુલિત બ્રેકિંગ મળશે. હાલમાં જ કંપનીએ Activaને નવા બીએસ 6 એન્જિનની સાથે અપડેટ કરીને લોન્ચ કરી હતી. સાથે જ Activa 6Gમાં ઈન્ટરનેટ કનેક્ટિવિટી પણ મળી શકે છે. જેની કિંમત 68,035 રૂપિયાથી લઈને 75,085 રૂપિયા સુધી છે. જોકે, Activa 6Gની દિલ્હીમાં અંદાજિત કિંમત 56,000 હોઈ શકે છે.