ઓટો ન્યૂઝ / BS6 Hero Super Splendor ભારતમાં થયું લોન્ચ, કિંમત જાણીને નિરાશ થશો

આ નવી બાઈકની કિંમત પહેલાં કરતાં 5500 રૂપિયા વધારી દીધી છે. હીરો સુપર સ્પ્લેન્ડરમાં 125 સીસી એન્જિનનો ઉપયોગ કરાયો છે. જે ફ્યૂલ ઈન્જેક્શનની સાથે એક્સસેન્સ ટેક્નિકથી સજ્જ છે. કંપનીનો દાવો છે કે, નવી બાઈક 19 ટકા સુધી વધુ પાવર આપવામાં સક્ષમ છે. જે 7500 આરપીએમ પર 10.7bhpનું પાવર અને 6000 આરપીએમ પર 10.6 એમએમ સુધીનું ટોર્ક જનરેટ કરે છે. આ બાઈકમાં 5 સ્પીડ ગિયરબોક્સ આપવામાં આવ્યું છે. 

2020 હીરો સુપર સ્પ્લેન્ડરને ડબલ ક્રેડલ યૂનિટની જગ્યાએ એક ઓલ ન્યૂ ડાયમંડ ફ્રેમ પર તૈયાર કરવામાં આવ્યું છે. આના સીટ પહેલાં કરતાં 45 એમએમ વધુ લાંબી છે. જ્યારે બાઈકના ગ્રાઉન્ડ ક્લિયરન્સને જૂના મોડલની તુલનામાં 180 એમએમ કરી દેવામાં આવી છે. આ સાથે જ તેમાં બ્રેકિંગ માટે ફ્રંટમાં 240 એમએમની ડિસ્ક બ્રેક અને 130 એમએમની ડ્રમ બ્રેક રિયરમાં આપવામાં આવી છે. 

હીરો સુપર સ્પ્લેન્ડરમાં કંપનીએ તેની આઈડલ સ્ટાર્ટ સ્ટોપ સિસ્ટમ ટેક્નિકનો પણ ઉપયોગ કર્યો છે. કંપનીએ આમાં ડ્યૂલ ટોન કલર જેમાં મેટાલિક નેક્સસ બ્લૂ પેટ સ્કીમની સાથે 3 નવા કલર વિકલ્પ બ્લેક, હેવી ગ્રે, કેન્ડી બ્લોજિંગ રેડમાં ઉપલબ્ધ કરાવી છે. સાથે જ તેમાં કંપનીના કમ્બાઈંડ બ્રેકિંગ સિસ્ટમને સ્ટાન્ડર્ડ રાખવામાં આવી છે. 

તમને જણાવી દઈએ કે, હીરોએ હાલમાં જ ભારતમાં તેની લોકપ્રિય બાઈક ગ્લેમર 125ને બીએસ 6 કમ્પ્લાયન્ટ સાથે લોન્ચ કરી છે. જેને કંપનીએ ડ્રમ અને ડિસ્ક એમ બે વેરિઅન્ટમાં લોન્ચ કરી છે. આ બાઈકમાં ડ્રમ વેરિઅન્ટની કિંમત 68900 રૂપિયા અને ટોપ એન્ડ ડિસ્ક બ્રેક વેરિઅન્ટની કિંમત 72400 રૂપિયા રાખવામાં આવી છે. જે તેના બીએસ 4 મોડલથી માત્ર 1450 રૂપિયા જ વધારે છે.