ચીનમાં ફેલાય કોરોના વાયરસના કારણે વિશ્વભરમાં મહામારી ફેલાઈ ગઈ છે ત્યાં હવે બેક્ટેરિયાના કારણે પણ હજારો લોકો સંક્રમિત થઇ રહ્યા છે. વાયરસ બાદ હવે બેક્ટેરિયાનો કહેર ચીનમાં શરુ થયો છે.
ગાન્સુની રાજધાનીમાં અત્યાર સુધી 3,245 આ brucellosis બીમારીની ઝપેટમાં આવ્યા
અત્યાર સુધી 11 હજાર થી વધારે લોકો આ બેક્ટેરિયાથી સંક્રમિત થયા
ગયા વર્ષે જુલાઈ અને ઓગસ્ટમાં એક બાયોલોજીકલ ફાર્માસ્યુટિકલ ફેક્ટરીમાં આ બીમારીની શરૂઆત થઇ હતી
બાયોફાર્માસ્યુટિકલ કંપનીમાંથી લીક
ઉત્તર પૂર્વી ચીનમાં હજારો લોકો બેક્ટેરિયાના સંક્રમણથી પીડિત થઇ ગયા છે. અધિકારીઓ અનુસાર ગયા વર્ષે બાયોફાર્માસ્યુટિકલ કંપનીમાંથી લીક થવાનાં કારણે આ બીમારી ફેલાઈ રહી છે. ગાન્સુની રાજધાનીમાં અત્યાર સુધી 3,245 આ brucellosis બીમારીની ઝપેટમાં આવી ગયા છે.
પશુઓમાં હોય છે આ બેક્ટેરિયા
CNNના અહેવાલ અનુસાર આ બીમારી બૃસેલા નામના બેક્ટેરિયાના કારણે થાય છે. સામાન્ય તે પશુઓમાં જોવા મળે છે. આ એવા પશુઓમાં જોવા મળે છે જે કૃષિ સંબધિત કાર્યમાં ઉપયોગમાં આવે છે અને એવા પશુ જેમને ભોજન અથવા રેસા કાઢવા માટે પાળવામાં આવી રહ્યા છે. સ્વાસ્થ્ય આયોગના અનુસાર ગયા વર્ષે જુલાઈ અને ઓગસ્ટમાં એક બાયોલોજીકલ ફાર્માસ્યુટિકલ ફેક્ટરીમાં આ બીમારીની શરૂઆત થઇ હતી.
શું છે લક્ષણો ?
અત્યાર સુધી 11 હજાર થી વધારે લોકો તેમાં સંક્રમિત થયા છે. આ બેક્ટેરિયાની બીમારી માટે અત્યાર સુધી 21 હજાર લોકોના ટેસ્ટ કરવામાં આવ્યા હતા અને જે શહેરમાં બીમારી થઇ છે તેની વસ્તી 30 લાખની આસપાસ છે. આ બીમારીનું નામ માલ્ટા ફિવર છે. અને તેના લક્ષણોમાં તાવ, માથું દુખવું, સ્નાયુઓ દુખવા, નબળાઈ આવી છે. અને આ બીમારી ગંભીર રૂપ પણ લઇ શકે છે.
કઈ રીતે ફેલાય છે ?
જોકે અમેરિકાની ડિસીઝ એન્ડ કંટ્રોલ એન્ડ પ્રિવેન્શન અનુસાર આ બીમારીનું સંક્રમણ મનુષ્યોના સંપર્કમાં આવાથી નથી થતું પણ સંક્રમિત ભોજન, પાણી અથવા શ્વાસના કારણે ફેલાય છે. જાનવરો માટે બૃસેલા રસી વિકસિત કરવાની પ્રક્રિયામાં એક્સ્પાયર સેનિટાઈઝરનો ઉપયોગ કરવામાં આવ્યો છે