BRTSનો કહેર યથાવત જોવા મળી રહ્યો છે. સુરતમાં BRTS બસે વધુ એક અકસ્માત સર્જ્યો છે. નાનપુરા નાવડી ઓવારા પાસે વધુ એક અકસ્માત સર્જાયો છે. પુર ઝડપે આવતી બસએ વધુ એક મહિલાને અડફેટે લેતા મહિલાને માથાના અને પહના ભાગે ગંભીર ઈજા થઈ હતી. ત્યારે હાલ મહિલાને સારવાર માટે હોસ્પિટલ ખસેડવામાં આવી છે.
BRTS બસના અકસ્માત અટકવાનું નામ નથી લેતા
આજે પણ સુરતમાં એક મહિલા BRTSની અડફેટે
રોજના મારણ કરવા ફરે છે બસ
સુરતમાં BRTS દ્વારા અકસ્માતની જાણે હારમાળા સર્જાઈ રહી છે. અમદાવાદમાં ગઈ કાલે જ બે સગા ભાઈના મોતને પગલે ખળભળાટ મચી ગયો હતો. સુરતમાં પણ અકસ્માતમાં એક વ્યક્તિનું મોત થયુ હતુ. જેના આગલા દિવસે પણ સુરતમાં એક જ પરિવારના 3 લોકોને બસે કચડી માર્યા હતા. ત્યારે આજે ફરીથી મહિલાને BRTS બસે શિકાર બનાવી છે. રસ્તા ઉપર જીવતુ મોત ભમી રહ્યુ હોય તેવો ઘાટ સર્જાયો છે.
અમદાવાદમાં લીધા બેના ભોગ
અમદાવાદના પાંજરાપોળમાં ગઈ કાલે BRTS બસે 2 બાઈક સવારને અડફેટે લીધા હતા જેમાં બંનેના મોત થતા ચકચાર મચી ગઈ હતી. આ અંગે સરકાર સહિત બસ ડ્રાઈવર સામે લોકોનો આક્રોશ ફાટી નીકળ્યો હતો.
સુરતમાં સતત અકસ્માત
સુરતમાં પરમદિવસે બસની અડફેટમાં એકજ પરિવાના 3 લોકોના મોત થઈ ગયા હતા જ્યારે ગઈ કાલે પણ BRTSની અડફેટે એક વ્યક્તિનું જીવન થંભી ગયુ હતું.