દૂર્ઘટના / અમદાવાદઃ અખબારનગર અંડરપાસ પાસે દિવાલમાં ઘુસી જતાં BRTS બસના બે ફાડિયા થયા

• અમદાવાદમાં BRTS બસનો અકસ્માત
• અંડર પાસની દિવાલમાં ઘુસી BRTS બસ
• BRTS બસના બે ફાડિયા થઈ ગયા

પ્રાપ્ત મળતી વિગત અનુસાર શહેરના અખબારનગર અંડરબ્રિજ પાસે BRTS બસને અકસ્માત નડ્યો છે. અખબારનગર પાસેની દિવાલમાં ઘુસી જતા BRTS બસના બે ફાડિયા થઇ ગયેલા જોવા મળ્યાં. 
 

અમદાવાદમાં અખબારનગર અન્ડર બ્રિજ પાસે વિચિત્ર અકસ્માત જોવા મળ્યો છે. જેમાં BRTS બસ બ્રિજના પીલર સાથે ધડાકાભેર અથડાયેલી જોવા મળી. 

જો કે આ અકસ્માતમાં BRTS બસના બે ભાગ થઇ ગયા છે. જો કે આ વિચિત્ર અકસ્માતમાં ડ્રાઇવર અને મુસાફરોને સામાન્ય ઇજા પહોંચી છે.

ઉલ્લેખનીય છે કે શહેરમાં BRTS બસ અકસ્માત માટે કુખ્યાત છે. BRTS બસના ડ્રાઇવરો બેફામ ચલાવતા જોવા મળતા હોય છે. ત્યારે આજે શહેરના અખબારનગર અન્ડરબ્રિજ પાસે આખી બસ પિલરમાં ઘુસી જતા બે ફાડિયા થઇ ગયેલા જોવા મળી. 

જો કે પ્રાપ્ત મળતી વિગત અનુસાર બપોરના સમયે BRTS બસ અખબારનગર અંડર પાસ પાસેથીથી પસાર થઇ રહી હતી ત્યારે ટૂ વ્હીલરના બચાવવા જતા આ અકસ્માત સર્જાયો હોવાની પ્રાથમિક માહિતી સામે આવી છે.