ચકચારી ઘટના / રાપરના ખાંડેક ગામે જેઠે ભાઇની પત્નીને પંખે લટકાવી આચર્યું દુષ્કર્મ, માતાએ વીડિયો કોલમાં કહ્યું આને પતાવી દે નહીંતર...

• કચ્છના રાપરમાં બની સંબોધો લજાવતી ઘટના
• જેઠે નાના ભાઈની પત્ની પર આચર્યું દુષ્કર્મ
• માતા-પિતાને જાણ કર્યા બાદ અઢી મહિને નોંધાઇ ફરિયાદ

રાપરના ખાંડેક ગામમાં જેઠે ભાઇની પત્નીના હાથ દુપટ્ટાથી બાંધી પંખે લટકાવી હતી. ભાઈની પત્નીને પંખે લટકાવ્યા બાદ જેઠે પોતાની માતાને વીડિયો કોલ કર્યો હતો. જેઠની માતાએ પરિણીતાની સાસુએ પણ વીડિયો કોલમાં વહુને પતાવી દેવા કહ્યું હતું. વીડિયો કોલ બાદ જેઠે ભાઇની પત્ની સાથે દુષ્કર્મ આચર્યુ હતું. કોઇને જાણ કરશે તો જાનથી મારી નાખવાની ધમકી આપી હતી. જોકે માતા-પિતાને આ અંગે જાણ કર્યા બાદ અઢી મહિને નોંધાઇ ફરિયાદ

પરિણીતાએ જણાવ્યું હતું કે, તેમના લગ્નને 6 વર્ષ થયા છે, સંતાનમાં એક પુત્રી છે જે દિવાળી બાદ તેમના માતા-પિતા સાથે હિંમતનગરમાં રહે છે. જ્યારે પતિ તેમનાથી અલગ આણંદ વિદ્યાનગરમાં રહે છે. 

શું બની હતી ઘટના? 

પરિણીતાના જણાવ્યા અનુસાર, પરિણીતા પોતાની દીકરી સાથે વાત કરી રહ્યા હતા. આ સમયે જેઠ ઘરે આવ્યા અને કોની સાથે વાત કરે છે તેવું કહીને ફોન છીનવી લીધો અને દરવાજો બંધ કરી દીધો હતો. બાદમાં બન્ને હાથ દુપટ્ટાથી બાંધી દીધા હતા. અને પંખે લટકાવી દીધા હતા. બાદમાં સાસુને વીડિયો કોલ કરીને કહ્યું કે, વહુની આ હાલ કરી છે. જેમાં સાસુએ કહ્યું કે, આને પતાવી નાખજે નહીં તો એ આપણને મારી નાખશે. બાદમાં ફોન કાપીને પરિણીતાને નીચે ઉતારીને જેઠે ભાઇની પત્ની સાથે દુષ્કર્મ આચર્યું હતું.

માતા-પિતાને જાણ કર્યા બાદ અઢી મહિને નોંધાઇ ફરિયાદ

પરિણીતાએ સાબરકાંઠામાં પોતાના માતા-પિતાને જાણ કરતા રાપર પોલીસ સ્ટેશનમાં ફરિયાદ નોંધાઈ છે. ઘટનાના અઢી મહિના બાદ પરિણીતાએ ફરિયાદ નોંધાવી છે. આ સમગ્ર મામલે સાબરકાંઠા પોલીસે પૂર્વ કચ્છ SPને ટ્રાન્સફર અરજી કરી છે. રાપર પોલીસે ઘટના અંગે વધુ તપાસ હાથ ધરી છે.