શરમજનક / UPમાં ભાઈ સાથે બહેનના કરાવ્યા લગ્ન: 3 કલાકમાં જ એવું થયું કે, પરિવારમાં માતમ છવાયો

• UPમાંથી એક ચોંકાવનારો કિસ્સો સામે આવ્યો
• ભાઈ બહેન વચ્ચે પ્રેમ પ્રસંગ ચાલતા લગ્ન કરાવ્યા
• મામા-ફુઈના દિકરા-દિકરી વચ્ચે લફરુ થતાં લગ્ન કરાવી દીધા

પશ્ચિમ યુપીમાંથી એક એવો કિસ્સો સામે આવ્યો છે, જેને સાંભળીને આપ પણ ચોંકી જશો. અહીં એક ભાઈ-બહેનના ઉતાવળમાં લગ્ન કરાવી દીધા હતા. લગ્નના ત્રણ કલાક બાદ છોકરીએ હોસ્પિટલમાં પહોંચી ગઈ હતી. ત્યાર બાદ જે ઘટના સામે આવી તેનાથી પરિવારમાં સોપો પડી ગયો હતો. હકીકતમાં ત્રણ વર્ષથી મામા-ફુઈના દિકરા-દિકરી વચ્ચે પ્રેમ પ્રસંગ ચાલતો હતો.

ધીમે ધીમે બંને એક બીજાના પ્રેમમાં પાગલ થવા લાગ્યા. આ સમય દરમિયાન બંને વચ્ચે ગાઢ સંબંધો થયા. યુવતી ગર્ભવતી થઈ ગઈ. ગર્ભવતી થયા બાદ યુવતીએ પ્રેમી સાથે લગ્ન કરવાની વાત કરી તો, યુવકે ના પાડી દીધી. જો કે, તેના યુવતીએ પોતાના ઘરમાં કોઈને જણાવ્યું નહોતું. યુવતી આઠ મહિનાની ગર્ભવતી થઈ ચુકી હતી. માતાને જાણ થઈ તો, દિકરીને પુછ્યું. જેના પર દિકરીએ આખી હકીકત જણાવી દીધી. ફટાફટ બંનેના લગ્ન કરાવી દીધા. જો કે, લગ્નના ત્રણ કલાક બાદ યુવતીનું મોત થઈ ગયું.

આ કિસ્સો રામપુર જિલ્લાના કેમરી વિસ્તારમાં આવેલા ગઈલુઈયા ગામનો છે. આ ગામમાં રહેતા રવિ ગંગવાર પોતાની સગી મામાની દિકરી રાજેશ્વરી સાથે લગભગ ત્રણ વર્ષથી પ્રેમમાં હતો. બંને પોતાના સંબંધમાં ખૂબ આગળ નિકળી ચુક્યા હતા. આ દરમિયાન યુવતી ગર્ભવતી પણ થઈ. યુવતીએ જ્યારે યુવકને લગ્નની વાત કરી તો, યુવક ફરી ગયો. યુવતીએ ગર્ભવતી હોવાની વાત પરિવારના લોકોથી છૂપાવી રાખી હતી. આઠ મહિના વિત્યા બાદ માતાને શંકા જતાં દિકરીને પુછ્યું તો આખી હકીકત જણાવી. ત્યાર બાદ બંને પરિવાર એક થયા અને પંચાયત શરુ કરી.

પંચાયતમાં બંનેના લગ્ન કરવાનો નિર્ણય કરાયો. બંનેના પરિવારની સહમતીથી મંદિરમાં લગ્ન કરાવ્યા. જો કે, ત્રણ કલાક બાદ યુવતીની હાલત બગડી ગઈ અને તેને હોસ્પિટલમાં ભરતી કરાવામા આવી. યુવતીના મોતના સમાચાર સાંભળી પરિવારમાં માતમ છવાયો. મૃતકના પિતા સત્યપાલ ગંગવારે દિકરીની હત્યાનો આરોપ લગાવતા પતિ રવિ, સસરા નરેન્દ્ર ગંગવાર અને કાકા સસરા અજય પાલ વિરુદ્ધ દહેજ ખાતર હત્યાનો આરોપ લગાવતા ફરિયાદ નોંધાવી છે. પોલીસ આ મામલે તપાસ કરી રહી છે.