કોરોના / લોકડાઉનને કારણે 1000 કિલોમીટર દૂર ફસાયેલી બહેનને બચાવવા ભાઈ આ રીતે નીકળી પડ્યો

• કોરોના વાયરસ વચ્ચે બની અનોખી ઘટના 
• બહેનને લેવા માટે ભાઇ પહોંચ્યો 1000 કિલોમીટર દૂર

ઉલ્લેખનીય છે કે, આ ઘટના રાજસ્થાનના જયપુરની છે. અહીં એક મહિલા પોતાની 4 વર્ષના બાળકને લઇને ખોટી ટ્રેનમાં ચઢી ગઇ હતી તેણીને પટના જવાનું હતું પરંતુ જયપુર પહોંચી હતી. અંતે મહિલાએ શહેરમાં રહેતા પોતાના સગા-વહાલા પાસે મદદ માગ પરંતુ કોરોનાના ડરથી તેમણે હાથ ઉંચા કરી દીધા. અંતે જ્યારે તેણીના ભાઇને આ ઘટનાને ખબર પડતા તે પોતાની બહેનને લેવા માટે બાઇક લઇને નીકળી પડ્યો. 

નાગપુરથી ફરવાનું હતું પરત 

ઉલ્લેખનીય છે કે, આ મહિલાનું નામ અસ્મિતા છે જે પટનાની રહેવાસી છે. તેણી પોતાની 4 વર્ષની બાળકીને લઇને માતાના ઘરે ગઇ હતી. જો કે, આ મહિલાએ નાગપુર રેલવે સ્ટેશનથી બાગમતિ એક્સપ્રેસમાં બેસવાનું હતું પરંતુ ભૂલથી મૈસૂર-જયપુર એક્પ્રેસમાં બેસી ગઇ.

RPFએ બનતી તમામ મદદ કરી 

જ્યારે તે મહિલાને પોતાની ભૂલનો અહેસાસ થયો ત્યાં સુધીમાં તો તે જયપુર રેલવે સ્ટેશન પહોંચી ગઇ હતી. સ્ટેશન પર ઉતરીને સુરક્ષાકર્મીઓને સમગ્ર ઘટના વિશે જણાવ્યું અને મદદ માંગી. RPF ના જવાનોએ તેમને બનતી તમામ મદદ કરી.

ભાઇ બાઇક લઇને બહેનને લેવા નિકળ્યો 

જ્યારે કોઇ રસ્તો બચ્યો નહીં ત્યારે RPFના જવાનોએ મહિલાના ભાઇને આ અંગેની જાણકારી આપી. કોરોનાને કારણે તમામ બસ રદ્દ છે અને ભાઇ પોતાની બાઇક લઇને બહેનને લેવા માટે નીકળી પડ્યો. તે લગભગ નાગપુરથી આશરે 1000 કિલોમીટર બાઇક ચલાવીને પોતાની બહેન પાસે જયપુર પહોંચ્યો અને અસ્મિતાને ઘરે લઇ આવ્યો