સુરતના પનાસ ગામના મ્યુનિસિપલ આવાસ પાસે કચરાપેટીમાં ફેંકવામાં આવેલી નવજાત બાળકી ગઇ સવારે મળી આવી હતી. જેમાં ઉમરા પોલીસે હાથ ધરેલી તપાસમાં નજીકમાં જ રહેતી 18 વર્ષની યુવતીએ બાળકીને જન્મ આપ્યા બાદ તરછોડી દીધી હોવાનું જાણવા મળ્યુ હતું.
કચરાપેટીમાંથી નવજાત બાળકી મળી આવી
18 વર્ષની યુવતીએ તરછોડી દીધી
યુવતીએ સગાભાઇ સાથે બાંધ્યો હતો સંબંધ
તેની અટકાયત કરી પૂછપરછ કરતા તેના 17 વર્ષના સગાભાઈ સાથે શરીર સંબંધ બાંધતા ગર્ભ રહ્યી ગયો હતો. બે દિવસ અગાઉ ડીલીવરી થતા બાળકીને તરછોડી દીધી હોવાની ચોંકાવનારી કબૂલાત કરી હતી. ગર્ભવતી થતા શરીરમાં થતા ફેરફારોને છુપાવવા તેણે ઢીલા કપડાં પહેર્યા હતા.
બાળકીનો જન્મ થતાં કચરાપેટીમાં ફેંકવામાં આવી
પરંતુ બે દિવસ અગાઉ બાળકીનો જન્મ ઘરે થતા તેને કેવી રીતે રાખવી તે મૂંઝવણમાં તેણે બાળકીને ઘર નજીક જ કચરાપેટીમાં તરછોડી દીધી હતી. યુવતીની કબૂલાતના આધારે ઉમરા પોલીસે તેના 17 વર્ષીય ભાઈ દુષ્કર્મ અને પોસ્કો વિરુદ્ધ ગુનો નોંધી તપાસ શરૂ કરી છે.
ક્યારે અટકશે આ પ્રકારની ઘટનાઓ
છેલ્લા કેટલાક સમયગાળાથી આ પ્રકારની ઘટનાઓ પ્રકાશમાં આવી રહી છે. એક તરફ નિર્ભયના ગુનેગારોને ફાંસી પર આપવાની ચર્ચાઓ ચાલી રહી છે ત્યારે ગુજરાતમાં બની રહેલી આ પ્રકારની ઘટનાઓ ખરેખર ગુજરાતની ઓળખ પર કલંક સમાન છે. ત્યારે રાજ્ય સરકાર દ્વારા પણ આ પ્રકારની ઘટનાઓને અટકાવવા માટે કડક કાયદાઓ ઘડવા જોઇએ.