વાયરલ વીડિયો બાદ ચર્ચામાં આવેલી બરેલીના ધારાસભ્ય રાજેશ મિશ્રાની દીકરી સાક્ષી અને તેના પતિ અજિતેશ શુક્રવારના રોજ એક ખાનગી ન્યૂઝ ચેનલના સ્ટુડિયોમાં પહોંચ્યા હતા અને ત્યાં પોતાની આપવીતી જણાવી હતી.
આપને જણાવી દઇએ કે, સ્ટુડિયોમાં અજિતેશના પિતા પણ હાજર રહ્યા હતા. તેઓ પોતાના દિકરા અને તેમની પત્નીને મળીને ભાવુક થયાં હતા. આ દરમિયાન સ્ટુડિયોમાંથી સાક્ષીના પિતાને ફોન લગાવવામાં આવ્યો હતો. તેમણે સાક્ષી સાથે વાત કરી હતી અને શુભેચ્છા પણ પાઠવી હતી. આ સાથે જ તેમણે જણાવ્યું હતું કે પોતાનાથી દિકરીને કોઇપણ ખતરો નથી.
ઉલ્લેખનીય છે કે, સાક્ષીએ આપવીતી જણાવતા કહ્યું કે ઘરમાં તેની સાથે કેવા પ્રકારનો વ્યવહાર કરવામાં આવ્યો હતો. તેણીએ કહ્યું કે, ભાઇને પોતાના કરતા વધારે છૂટછાટ આપવામાં આવતી હતી, જે મને ક્યારેય આપવામાં આવી નથી. તેણીની મા પણ દિકરીના પિતાના ખોટી-ખોટી વાતો જણાવી રહી હતી.
સાક્ષીએ જણાવ્યું કે, જ્યારે હું અજીતેશ સાથે વાત કરતી હતી ત્યારે તેની પહેલી જાણ મારા ભાઇ વિકીને થઇ હતી. તે મને વારંવાર આ વિષયમાં મારી પૂછપરછ કરતો રહેતો હતો અને હું તેના પગ પકડીને મનાવતી હતી. સાક્ષીએ કહ્યું કે, મને અને મારા પતિની સુરક્ષાનો ખતરો મારા પિતા, ભાઇ તથા પિતાજીના દોસ્તોથી જ છે. માટે અમે એક વીડિયોને સોશિયલ મીડિયા પર પોસ્ટ કર્યો હતો જેથી આ લોકોથી હું બચી શકું.
આ દરમિયાન સાક્ષીએ પોતાની માતા પર પણ આરોપ લગાવ્યો હતો. સાક્ષીએ જણાવ્યું કે, જયપુરમાં અભ્યાસ સમયે જ્યારે મારા મમ્મી મારી સાથએ રહેવા આવ્યા ત્યારે તેઓ મને ડરાવતા હતા. ત્યારે તેઓ મને ઓનર કિલિંગનો ડર બતાવવતા હતા.