દેવું ઓછું કરવા માટે રિલાયન્સ Jioની પ્રોપર્ટી વેચી શકે છે જાણો કેટલા કરોડની જરૂર?

પોતાનું દેવું ઓછું કરવા માટે રિલાયન્સ જિયો જલ્દીથી પોતાની બે ઇન્ફ્રા કંપનીઓને વેચવા જઇ રહી છે. જિયો પર બજારની આશરે 3 લાખ કરોડનું દેવું છે. આ પૂરો સોદો 15 બિલિયન ડોલર એટલે કે 1.07 લાખ કરોડ રૂપિયામાં થશે. 

આ મામલાથી જોડાયેલ જાણકારોના હવાલાઓથી TOI ની એક રિપોર્ટમાં કહેવામાં આવ્યું છે કે રિલાયન્સ જિયો પોતાનો ટેલિકોમ ટાવર અને ઓપ્ટિક ફાયબર કેબલ પાથરનાર કંપનીઓને વેચવા જઇ રહ્યું છે. એના માટે કંપનીએ વિશ્વની પ્રમુખ ઇન્ફ્રા અને પ્રાઇવેટ ઇક્વિટી રોકાણ કંપની બ્રુકફીલ્ડ એસેટ મેનેજમેન્ટને પસંદ કરી છે. રિલાયવ્સ હવે બ્રુકફીલ્ડને 15 બિલિયન ડોલરમાં એને વેચવા જઇ રહી છે. 

આખા દેશમાં જિયોના આશરે 2.2 લાખ ટાવર છે જેમાંથી કેટલાક થર્ડ પાર્ટી પાસે પણ છે. આ ઉપરાંત 3 લાખ કિલોમીટરનું ઓપ્ટિક ફાયબર છે જે 30 કરોડ ગ્રાહકોની પાસે પોતાનું નેટવર્ક પહોંચાડશે. 

બ્રુકફીલ્ડની પાસે આ સમયે સમગ્ર વિશ્વમાં આશરે 330 બિલિયન ડોલરની સંપત્તિ છે. ગત વર્ષે જ કંપનીએ રિલાયન્સના સ્વામિત્વ વાળી 1400 કિલોમીટર લાંબી ઇસ્ટ વેસ્ટ પાઇપલાઇનને 2 બિલિયન ડોલરમાં ખરીદી હતી. 

આ પાઇપલાઇન આંધ્ર પ્રદેશની કાકીનાડાથી શરૂ થઇને ગુજરાતના ભરૂચ સુધી આવે છે. જો આ કરાર થઇ જાય છે તો પછી બ્રુકફીલ્ડ સમગ્ર દેશમાં સૌથી મોટી ટેલિકોમ ઇન્ફ્રાસ્ટ્રક્ચર કંપની બની જશે.