અફઘાનિસ્તાનની તાલિબાનની સત્તા વિરુદ્ધ કોઈ પ્લાન બની રહ્યો છે.
બન્ને નેતાઓએ અફઘાનિસ્તાનમાં માનવાધિકારો બનાવી રાખવા પર ભાર મુક્યો
નેતાઓએ અફઘાનિસ્તાન સહિત ક્ષેત્રીય મુદ્દા પર પણ વિચાર શેર કર્યો
યૂકેના ભારતીય રસીને પ્રમાણિત કરવાના પગલાનું બન્ને પક્ષોએ સ્વાગત કર્યુ
બ્રિટનના પ્રધાનમંત્રી બોરિસ જોનસનને આ વિષયમાં પ્રધાનમંત્રી નરેન્દ્ર મોદી સાથે સોમવારે વાતચીત કરી. ફોન પર થયેલી વાતચીતમાં ભારત- બ્રિટન વ્યાપાર, રક્ષા વાર્તા સમીક્ષા અને જળવાયુ પરિવર્તનની સાથે સાથે તાલિબાન પર પણ ચર્ચા થઈ.
કોરોના પર થઈ ચર્ચા
બ્રિટનના પ્રધાનમંત્રી કાર્યાલયે ડાઉનિંગ સ્ટ્રીટે જણાવ્યું કે યૂકેના ભારતીય રસીને પ્રમાણિત કરવાના પગલાનું બન્ને પક્ષોએ સ્વાગત કર્યુ છે. જોનસન અને મોદીએ કોરોનાની વિરુદ્ધ લડાઈ અને આંતરરાષ્ટ્રીય પ્રવાસને સતર્કતાપૂર્વક રીતે શરુ કરવાના મહત્વ પર ચર્ચા કરી.
ક્લાઈમેટ ચેન્જનો મુદ્દો ઉઠાવ્યો
ડાઉનિંગ સ્ટ્રીટના પ્રવક્તાએ કહ્યું કે બન્ને નેતા એ વાત પર સહમત થયા કે બ્રિટન દ્વારા ભારતીય રસીને માન્યતા આપવી આ દિશામાં એક આવકાર્ય પગલું છે. બન્ને નેતાઓએ તાલિબાનના મુદ્દા પર જોઈન્ટ આંતરરાષ્ટ્રીય દ્રષ્ટિકોણની જરુરિયાત પર સહમતિ વ્યક્ત કરી છે. બ્રિટિશ ઉચ્ચાયોગની સાથે શેર કરેલા નિવેદન અનુસાર પીએમ જોનસન અને પીએમ મોદીએ ગ્લાસગોમાં આગામી કોન્ફ્રન્સ ઓફ ધ પાર્ટીઝ -26ના સંદર્ભમાં બ્રિટન ભારત સંબંધોની મજબૂતી અને જળવાયું કાર્યવાહી પર ચર્ચા કરી.
રોડ મેપ પર પ્રગતિનું સ્વાગત
બન્ને નેતાઓએ અફઘાનિસ્તાનમાં હાજર સ્થિતિ પર વાત કરી. તે તાલિબાનની સાથે એક સમન્વિત આંતરરાષ્ટ્રીય દ્રષ્ટિકોણની જરુરીયાત પર સહમત થયા અને તેમણે દેશમાં માનવાધિકારોને બનાવી રાખવાના મહત્વ પર ભાર મુક્યો. નિવેદનમાં કહેવામાં આવ્યું છે કે પ્રધાનમંત્રીઓએ 2030 રોડમેપ પર આવેલી પ્રગતિનું સ્વાગત કર્યુ છે. આના પર મેમાં જોનસન અને મોદી દ્વારા સહમતિ વ્યક્ત કરવામાં આવી હતી.
PM Modiએ ટ્વીટ કર્યુ
આ સંબંધમાં પીએમ મોદીએ ટ્વીટ કરતા કહ્યું કે પીએમ બોરિસ જોનસને વાત કરતા ખુશી વ્યક્ત કરી. અમે ભારત- બ્રિટન એજન્ડા 2030ની પ્રગતિની સમીક્ષા કરી. જળવાયુ પરિવર્તન પર કાર્યવાહી અને ગ્લોસગોમાં થનારા કોપ 26ને લઈને વાત કરી. આ ઉપરાંત અફઘાનિસ્તાન સહિત ક્ષેત્રીય મુદ્દા પર પણ વિચાર શેર કર્યો. બ્રિટન દ્વારા જારી નિવેદન અનુસાર જોનસને આગામી કોપ 26 શિખર સમ્મેલનની પહેલા જળવાયું પરિવર્તન પર પ્રગતિ કરવાના મહત્વ પર ભાર મૂક્યો છે.