બ્રિટનના PM બોરિસ જ્હોન્સન આજ વહેલી સવારે ગુજરાતના અમદાવાદમાં પહોંચી ગયા છે, જ્યાં એરપોર્ટ બહાર તેમનું ઢોલ-નગારા અને ગુજરાતની ઝાંખી સાથે સ્વાગત કરાયું હતું.
ઇંગ્લેન્ડના PM બોરિસ જ્હોન્સનનું અમદાવાદમાં આગમન
બોરિસ જ્હોન્સન બે દિવસ ભારતમાં રોકાશે
અમદાવાદમાં ગાંધી આશ્રમની લેશે મુલાકાત
ગુજરાતના મુખ્યમંત્રી ભુપેન્દ્ર પટેલ અને રાજ્યપાલ આચાર્ય દેવવ્રતે PM બોરિસ જ્હોન્સનનું એરપોર્ટ પહોંચી તેમનું સ્વાગત કર્યું હતું. PM બોરિસ જ્હોન્સન એરપોર્ટથી આશ્રમ રોડ સ્થિત હોટલ હયાત રીજન્સીમાં રોકાશે. આ ઉપરાંત 11.30 કલાકે તેઓ ગાંધી આશ્રમની પણ મુલાકાત લેશે.
PM બોરિસ જ્હોન્સન સ્વાગત માટે એરપોર્ટથી ગાંધીઆશ્રમ સુધીના રસ્તા સજાવાયા
મહત્વનું છે કે, PM બોરિસ જ્હોન્સન આગમનને લઈને એરપોર્ટથી ગાંધી આશ્રમ સુધીના રસ્તા પર સ્વાગત માટેના સ્ટેજ તૈયાર કરાયા છે, ઉપરાંત સમગ્ર રૂટ પર વેલકમ ગુજરાતના હોર્ડિંગ્સ પણ લગાવવામાં આવ્યા છે. બીજી તરફ ગુજેસલ બહારથી ગાંધી આશ્રમ સુધી લોકો સ્વાગત માટે એક હાથમાં ભારત અને બીજા હાથમાં યુ.કેનો ધ્વજ લઈને ઉભા છે.
હાલોલથી ગાંધીનગરમાં ગુજરાત બાયોટેક્નોલોજી યુનિની લેશે મુલાકાતે
બ્રિટનના વડાપ્રધાન બોરિસ જોન્સન તેમની ભારત મુલાકાતના કાર્યક્રમના ભાગરૂપે નિર્માણાધીન ગુજરાત બાયોટેકનોલોજીની મુલાકાત લેશે. ગુજરાત સરકારના ફ્લેગશિપ પ્રોજેક્ટ એવી ‘ગુજરાત બાયોટેકનોલોજી યુનિવર્સિટી’ આશરે રૂ.200 કરોડના ખર્ચે પ્રતિષ્ઠિત ગિફ્ટ-સિટી ખાતે આકાર લઇ રહી છે. આ સાથે બોરિસ જોન્સન ગુજરાત બાયોટેકનોલોજી યુનિવર્સિટીમાં નિર્માણાધીન ઉચ્ચ સ્તરની સંશોધન સુવિધાઓની મુલાકાત લેશે અને જીબીયુ માટે સંશોધન વિદ્વાનો, લેબ ટેકનિશિયન અને ફેકલ્ટી સભ્યો સાથે વાર્તાલાપ કરશે.