બ્રિટનમાં ઓમિક્રૉન વેરિયન્ટનાં કેસ વધતાં વિશ્વના અનેક દેશોની ચિંતા વધી છે.
બ્રિટનમાં કોરોના વિસ્ફોટ
દુનિયાભરમાં કોરોના વાયરસનાં નવા વેરિયન્ટનાં કારણે ટેન્શન વધી રહ્યું છે. ભારતમાં પણ ઓમિક્રૉન વેરિયન્ટનાં કેસ વધી રહ્યા છે ત્યારે બ્રિટનમાં ઓમિક્રૉન વેરિયન્ટનો કોમ્યુનિટી સ્પ્રેડ શરૂ થઈ ગયો હોવાની આશંકા જોવા મળી રહી છે. પીએમ બોરિસ જોહ્ન્સને પોતાના મંત્રીઓને કહ્યું છે કે કોરોના વાયરસનું ઓમિક્રૉન સ્વરૂપ ડેલ્ટા કરતાં પણ ખતરનાક છે અને બ્રિટનમાં અત્યારે મોટી સંખ્યામાં કોરોના કેસ સામે આવી રહ્યા છે.
ઓમિક્રૉન વેરિયન્ટનું કોમ્યુનિટી સ્પ્રેડ શરૂ
નોંધનીય છે કે મંગળવારે બ્રિટનમાં ઓમિક્રૉન વેરિયન્ટનાં 101 કેસ સામે આવ્યા હતા જે સાથે જ આખા દેશમાં કુલ ઓમિક્રૉન કેસની સંખ્યા વધીને 437 થઈ ગઈ છે. બ્રિટનનાં સ્વાસ્થ્ય સાજિદ જાવેદ પહેલા જ કહી ચૂક્યા છે કોરોના વાયરસનાં ઓમિક્રૉન વેરિયન્ટનો કોમ્યુનિટી સ્પ્રેડ શરૂ થઈ ગયો છે. જાવેદે કહ્યું હતું કે દેશમાં એવા કેસ સામે આવી રહ્યા છે જે વિદેશ જઈને પાછા નથી આવ્યા છતાં ઓમિક્રૉનથી સંક્રમિત છે. એવામાં કહી શકાય કે લોકોમાં હવે ઓમિક્રૉન વેરિયન્ટ ફેલાઈ રહ્યો છે.
કેમ ખતરનાક છે ઓમિક્રોન?
ઓમિક્રોન વાયરસે વિશ્વમાં કહેર મચાવ્યો છે. અત્યાર સુધી દુનિયાભરના કુલ 35 દેશમાં ઓમિક્રોન ફેલાઇ ચૂક્યો છે. બીજી લહેર લાવનાર ડેલ્ટાથી ઓમિક્રોન 5 ગણો વધુ ઝડપી ફેલાય છે. તેનો અંદાજો આ આંકડા પરથી લગાવી શકાય છે કે ડેલ્ટા વેરિએન્ટ જેટલો 100 દિવસમાં ફેલાયો હતો ઓમિક્રોન તેટલો માત્ર 15 દિવસમાં જ ફેલાયો છે. ભયની વાત એ છે કે આ વાયરસ સંક્રમણ છતા રિપોર્ટમાં પકડાતો નથી. ઓમિક્રોન વાયરસ ઝડપી મ્યૂટેશન કરનારો વેરિઅન્ટ છે.
ઓમિક્રોન વેરિએન્ટના લક્ષણો
થાક લાગવો (Fatigue)
જો કોઈ વ્યક્તિ કોરોનાના ઓમીક્રોન વેરિએન્ટથી સંક્રમિત થાય છે તો તેને સતત થાક મહેસુસ થાય છે. સાઉથ આફ્રીકાન મેડિકલ એસોસિએશનના ચેયરપર્સન એન્જિક કોએત્જીએ (Angelique Coetzee) થાક સહિત નીચે જણાવેલા લક્ષણોને Omicronના સંક્રમિત દર્દીઓમાં જોયા છે.
શરીરમાં દુઃખાવો (Body aches & Pains)
કોરોનાના આ ખૂબ જ સંક્રામક વેરિએન્ટથી સંક્રમિત વ્યક્તિને બોડી પેઈન અને અન્ય ઘણા પ્રકારના દુખાવાનો અનુભવ થઈ શકે છે.
માથામાં ખુબ જ દુખાવો (Severe Headache)
Omicron વેરિએન્ટના સંક્રમિત વ્યક્તિ માથાના દુખાવાની ફરીયાદ કરી શકે છે. આ માથામાં દુખાવો ઘણી વખત ખૂબ જ વધારે હોઈ શકે છે.
Omicron સંક્રમિતોમાં નથી જોવા મળતા કોરોના જેવા આ લક્ષણો
સ્વાદ અને ગંધ ન આવવી (Loss of Smell/Taste)
કોરોનાના Delta વેરિએન્ટના લક્ષણોમાં સ્વાદ અને ગંધ ન આવવા એક મુખ્ય લક્ષણ હતું. પરંતુ Omicron વેરિએન્ટથી સંક્રમિત વ્યક્તિઓમાં અત્યાર સુધી આવા લક્ષણો નથી જોવા મળ્યા.
નાક બંધ રહેવું (Severely Blocked Nose)
કોરોનાના નવા વેરિએન્ટમાં સંક્રમિત બંધ નાકની ફરિયાદ પણ કરી રહ્યા હતા. પરંતુ Omicron વેરિએન્ટથી સંક્રમિત દર્દીઓમાં આ લક્ષણ પણ અત્યાર સુધી જોવા નથી મળ્યા.
ખૂબ વધારે તાવ (Severe Temperature)
તાવ આવવો અથવા વધારે તાપમાનના કારણે Delta વેરિએન્ટથી સંક્રમિત ગભરાઈ જતા હતા. પરંતુ દક્ષિણ આફ્રીકામાં ઓમિક્રોનના નવા વેરિએન્ટથી સંક્રમિતોમાં અત્યાર સુધી ખૂબ જ તાવ આવવા જોવે લક્ષણો પણ નથી જોવા મળ્યા.