બ્રિટનમાં કોરોનાના નવા ઓમિક્રોન વેરિયન્ટે કારણે એક દર્દીનું મોત થયું હોવાનું પ્રધાનમંત્રી બોરિસ જોન્સને જાહેર કર્યું છે.
દુનિયામાં કોરોનાના નવા વેરિયન્ટે વધારી ચિંતા
બ્રિટનમાં ઓમિક્રોન વેરિયન્ટે કારણે એક દર્દીનું મોત
પ્રધાનમંત્રી બોરિસ જોન્સને ટ્વિટ કરીને આપી માહિતી
દુનિયા માટે મોટા માઠા સમાચાર તો હવે આવ્યાં છે. ઓમિક્રોનને કારણે દુનિયામાં પહેલી વાર મોત થયું છે. બ્રિટનમાં ઓમિક્રોન પોઝિટીવ દર્દીનું મોત થયું હોવાની માહિતી ત્યાંના પીએમ બોરિસ જોન્સને આપી છે. પીએમ બોરિસ જોન્સને ટ્વિટ કરીને જણાવ્યું કે દેશમાં ઓમિક્રોન પોઝિટીવ એક દર્દીનું મોત થયું છે.
British Prime Minister Boris Johnson said on Monday the first patient had died after contracting the #Omicron variant of the #coronavirus: Reuters
પશ્ચિમ લંડનના પેડિંગ્ટન નજીક એક રસીકરણ ક્લિનિકની મુલાકાત લેનારા બોરિસ જ્હોન્સને જણાવ્યું હતું કે કોવિડ-19ના ઓમિક્રોન વેરિએન્ટથી સંક્રમિત દર્દીનું મોત નીપજ્યું છે. "દુ:ખની વાત એ છે કે, લોકો ઓમિક્રોનને કારણે હોસ્પિટલમાં દાખલ થઈ રહ્યા છે અને દુ:ખની વાત એ છે કે ઓમિક્રોનથી સંક્રમિત દર્દીના મૃત્યુની પુષ્ટિ થઈ છે.
ઓમિક્રોન હળવો છે, ખતરનાક નથી તે વિચાર છોડી દેશો-જોન્સન
જોન્સને કહ્યું કે મને લાગે છે કે જો આપણે વિચારી રહ્યા હોઈએ કે આ વેરિયન્ટ હળવો છે, એટલો ખતરનાક નથી, તો મને લાગે છે કે આપણે આ વિચારને હાલ માટે છોડી દેવો જોઈએ અને આ ઝડપથી ફેલાતા વાયરસની ગતિને ઓળખવી જોઈએ. તે એકદમ ઝડપથી લોકોમાં ફેલાઈ રહ્યો છે. અને આ માટે સૌથી મહત્ત્વની બાબત એ છે કે બધાએ બુસ્ટર ડોઝ લઈ લેવા જોઈએ.
ચીનમાં લોકડાઉન
ચીનમાં કોરોના વાયરસ પગપેસારો કરી રહ્યો છે. ઓમિક્રોનના 73 કેસ આવ્યાં બાદ ચીનના ઝેજિયાંગ વિસ્તારમાં ફરી લોકડાઉન લગાડી દેવાયું છે. દેશ અને દુનિયામાં ઓમિક્રોન વેરિયન્ટ ખૂબ ફેલાઈ રહ્યો છે. ઓમિક્રોનને ગતિને નાથવા દુનિયાના દેશો કડક પ્રતિબંધો સહિતના તમામ પગલા ઉઠાવી રહ્યાં છે. આ ક્રમે ચીને પહેલ કરી છે અને 6 થી 12 ડિસેમ્બર ની વચ્ચે કોરોનાના 173 કેસ નોંધાતા ઝેજિયાંગ પ્રાંતમાં લોકડાઉન લાગુ પાડી દેવાયું છે. ચીનમાં કોરોનાની ત્રીજી લહેર શરુ થઈ હોવાનો નિષ્ણાંતોનો મત છે.
ઓમિક્રોનની એન્ટ્રી બાદ લોકડાઉન લાગુ પાડનાર ચીન પહેલો દેશ બન્યો
સાઉથ આફ્રિકામાંથી ફેલાયેલા કોરોનાના નવા વેરિયન્ટ ઓમિક્રોનની એન્ટ્રી બાદ લોકડાઉન લાગુ પાડનાર ચીન પહેલો દેશ બન્યો છે. માર્ચ 2020 માં જ્યારે કોરોનાના પહેલો કેસ આવ્યો ત્યારે પણ ચીને દુનિયામાં સૌથી પહેલું લોકડાઉન લાગુ પાડી દીધું હતું.