કેન્સલ / કોરોનાને કારણે થંભી ગયું રમત જગત, બીજા વિશ્વયુદ્ધ બાદ હવે પહેલી વખત ગોલ્ફ ટૂર્નામેન્ટ રદ થઈ

• કોરોનાએ સમગ્ર દુનિયામાં વર્તાવ્યો કહેર
• રમત જગત પણ કોરોનાને કારણે થંભી ગયું
• મોટી ઈવેન્ટ્સ કરવામાં આવી કેન્સલ

બ્રિટીશ ઓપન 1860માં શરૂ થયું હતું. વર્ષ 1871 સિવાય આ પ્રતિષ્ઠિત ટૂર્નામેન્ટને પ્રથમ વિશ્વ યુદ્ધ (1915–1919) અને બીજા વિશ્વ યુદ્ધ (1940–1945) દરમિયાન રદ કરવું પડ્યું હતું અને હવે કોરોનાને કારણ આ વર્ષે પણ રદ કરવું પડ્યું છે. 

It is with a heavy heart that we have to cancel The Open for the first time since WWII. We appreciate that this will be disappointing for a great many people but we have to act responsibly during this pandemic and it is the right thing to do.
Statement: https://t.co/brJfuOZSFP pic.twitter.com/iizOupOk4m

— The Open (@TheOpen) April 6, 2020

આયોજકોએ એક નિવેદનમાં જણાવ્યું કે, 'કેન્ટમાં આ ટૂર્નામેન્ટ 12થી 19 જુલાઈ દરમિયાન રમાવાની હતી. કોવિડ -19ને કારણે બ્રિટિશ સરકાર, આરોગ્ય અધિકારીઓ અને આરએન્ડએ (ધ રોયલ અને પ્રાચીન ગોલ્ફ ક્લબ ઓફ સેન્ટ એન્ડ્ર્યૂઝ)ના માર્ગદર્શનના હેઠળ આચેમ્પિયનશિપ રદ કરવી જરૂર હતી.

તેમ છતાં અન્ય ત્રણ મોટા ગોલ્ફ (ટૂર્નામેન્ટ્સ)ને ફરીથી ગોઠવવામાં આવ્યા છે. માસ્ટર્સ ટૂર્નામેન્ટ હવે એપ્રિલને બદલે નવેમ્બરમાં થશે, ઓગસ્ટમાં યુ.એસ. પી.જી.એ., સપ્ટેમ્બરમાં રાયડર કપના એક અઠવાડિયા પહેલા યુ.એસ ઓપન યોજાશે. 

ગયા અઠવાડિયે વિમ્બલડન પણ બીજા વિશ્વ યુદ્ધ પછી પ્રથમ વખત આ જીવલેણ વાયરસને કારણે રદ કરાયો હતો, જ્યારે યુરો 2020 અને ઓલિમ્પિક્સ 2021 સુધી એક વર્ષ માટે મુલતવી રાખવામાં આવ્યા છે.