ગર્વની વાત / બ્રિટિશ PMની ખુરશીની નજીક પહોંચ્યા ભારતવંશી ઋષિ સુનક, બીજા રાઉન્ડમાં 101 મતે જીત્યા

• બ્રિટનના પીએમ પદની રેસમાં બે બ્રિટિશ-ભારતીયો
• ભારતીય મૂળના ઋષિ સુનક અને સુએલા બ્રેવરમેન છે રેસમાં
• પહેલા રાઉન્ડના વોટિંગ પહેલા પીએમ પદની રેસમાં આઠ નામ

બોરિસ જોનસને યુકેમાં વડાપ્રધાન પદ છોડ્યા બાદ હવે નવા પીએમની શોધ તેજ થઇ ગઇ છે. આ જ ક્રમમાં બુધવારે કન્ઝર્વેટિવ પાર્ટીના સાંસદોએ નવા પીએમની ચૂંટણી માટે મતદાન પ્રક્રિયામાં ભાગ લીધો હતો. લેટેસ્ટ આંકડા પર નજર કરીએ તો ભારતીય મૂળના ઋષિ સુનક હાલ આ રેસમાં સૌથી આગળ છે. નોમિનેશન બાદ પહેલા રાઉન્ડના વોટિંગમાં તેમને સૌથી વધુ સાંસદોનું સમર્થન પણ મળ્યું હતું. બીજી તરફ ભારતીય મૂળની સુએલા બ્રેવરમેન પણ આગળના રાઉન્ડમાં જગ્યા બનાવવામાં સફળ રહી છે.

પીએમ પદની રેસમાં કુલ આઠ નામ
ઉલ્લેખનીય છે કે પહેલા રાઉન્ડના વોટિંગ પહેલા પીએમ પદની રેસમાં આઠ નામ હતા. જો કે, પાર્ટીના વરિષ્ઠ નેતા અને પૂર્વ વિદેશ મંત્રી જેરેમી હંટ બુધવારે મતદાન બાદ રેસમાંથી બહાર થઈ ગયા હતા. તેમના સિવાય જૉનસન સરકારના અંતિમ તબક્કામાં નાણામંત્રી બનાવવામાં આવેલા નદીમ જાવી પણ જરૂરી સમર્થન મેળવી શક્યા નહોતા. હવે પીએમ પદની રેસમાં માત્ર છ નામ બચ્યા છે.

કેટલા સાંસદોનું સમર્થન છે
પ્રથમ રાઉન્ડના મતદાનમાં સુનકને 88 કન્ઝર્વેટિવ સાંસદોનું સમર્થન મળ્યું હતું તો બીજા સ્થાને રહેલા પેની મોર્ડન્ટને 67 મત મળ્યા હતા. આ પછી વિદેશ મંત્રી લિઝ ટ્રસનો નંબર આવે છે, જેમને 50 વોટ મળ્યા હતા. ચોથા નંબર પર કેમી બેડનોખ 40 મત સાથે, ટોમ તુઘનધાટ 37 મત સાથે પાંચમા, સુએલા બ્રેવરમેન 32 મત સાથે છઠ્ઠા ક્રમે રહ્યા હતા. જેમાં સૌથી ઓછા 18 વોટ જેરેમી હન્ટને અને 25 વોટ નદીમ ઝહાવીને મળ્યા હતા, જેના કારણે બંને રેસમાંથી બહાર ફેંકાઈ ગયા છે.

બે બ્રિટિશ-ભારતીયો રેસમાં સામેલ
બ્રિટનના પીએમ પદની રેસમાં બે બ્રિટિશ-ભારતીયો પણ સામેલ છે. જ્યારે પહેલું નામ પૂર્વ નાણામંત્રી ઋષિ સુનકનું છે, તો આગળનું નામ એટોર્ની જનરલ સુએલા બ્રેવરમેનનું છે. બંને નેતાઓની ઉંમર 42 વર્ષ છે. બંને બ્રિટિશ મૂળના ભારતીય મૂળના નેતા છે અને બંનેએ 2016માં બ્રેક્સિટ માટે જનમત સંગ્રહની ઝુંબેશમાં ભાગ લીધો હતો.

વડાપ્રધાન પદની રેસમાં બીજું કોણ કોણ ?
વડાપ્રધાન પદ માટેની ઉમેદવારી પ્રક્રિયા મંગળવારે સાંજે પૂર્ણ થઇ ગઇ છે એટલે ઉમેદવારોના નામ પણ બહાર આવી ગયા છે. ઉમેદવારોની યાદીમાં વિવિધતાનું બીજું ઉદાહરણ નાઇજિરિયન મૂળના ભૂતપૂર્વ પ્રધાન કેમી બેડેનોકની ચૂંટણી છે, જેમનો જન્મ લંડનમાં થયો હતો. આ ઉપરાંત ઈરાકમાં જન્મેલા નાણામંત્રી નદીમ ઝાહવી (55) પણ રેસમાં છે. તેઓ 11 વર્ષની ઉંમરે શરણાર્થી તરીકે યુકે આવ્યા હતા. સદ્દામ હુસેનના શાસનકાળ દરમિયાન તેનો પરિવાર બગદાદથી ભાગી ગયો હતો. કન્ઝર્વેટિવ પાર્ટીના આઠ ઉમેદવારોની રેસમાં વેપાર પ્રધાન પેની મોર્ડોન્ટ અને ટોમ તુઘટનો સમાવેશ થાય છે. બંને 49 વર્ષના છે અને બંને લશ્કરી પૃષ્ઠભૂમિમાંથી આવે છે. 46 વર્ષીય વિદેશ પ્રધાન લિઝ ટ્રસ અને 55 વર્ષીય ભૂતપૂર્વ પ્રધાન જેરેમી હન્ટ પણ પોતાનું નસીબ અજમાવી રહ્યા છે.

I’m standing to be the next leader of the Conservative Party and your Prime Minister.

Let’s restore trust, rebuild the economy and reunite the country. #Ready4Rishi

Sign up 👉 https://t.co/KKucZTV7N1 pic.twitter.com/LldqjLRSgF

— Ready For Rishi (@RishiSunak) July 8, 2022

વિડીયો કર્યો શેર 
સુનકે ગયા અઠવાડિયે વડા પ્રધાનપદ માટે પોતાનો દાવો રજૂ કરતી વખતે એક વીડિયો શેર કર્યો હતો, જેમાં તેમણે જણાવ્યું હતું કે કેવી રીતે તેમની દાદી, આફ્રિકાના ગ્રામીણ વિસ્તારોમાં રહેતી શ્રીશા, 1960 ના દાયકામાં તાન્ઝાનિયા થઈને યુકે આવી હતી. સુનકે વીડિયોમાં જણાવ્યું હતું કે, "આ યુવતી યુકે આવી હતી, તેને અહીં નોકરી મળી હતી, પરંતુ તેણે પોતાના પતિ અને બાળકને અહીં લાવવાની વ્યવસ્થા કરવા માટે એક વર્ષ સુધી પૈસા ભેગા કરવા પડ્યા હતા. તેનું એક બાળક એ મારી માતા હતી, જે તે સમયે 15 વર્ષની હતી. " મારી માતાએ સખત અભ્યાસ કર્યો અને ફાર્માસિસ્ટની ડિગ્રી મેળવી. તે મારા પિતાને નેશનલ હેલ્થ સર્વિસમાં મળ્યા અને તેઓ સાઉથહેમ્પ્ટનમાં સ્થાયી થયા. તેમની વાર્તાઓ અહીં જ પૂરી થતી નથી. પણ મારી વાર્તા અહીંથી જ શરૂ થાય છે. આ ઉપરાંત તેણે પિતા યશવીર અને માતા ઉષા સાથેની એક તસવીર પણ શૅર કરી હતી, જેમાં યુવાન સુનક પોતાના ભાઈ-બહેન સાથે જોવા મળી રહ્યો છે.