57 વર્ષના પ્રસિદ્ધ બ્રિટીશ કલાકાર ડેમિયન હર્સ્ટે લંડનમાં પોતાની ન્યુપોર્ટ સ્ટ્રીટ ગેલેરીમાં પોતાની પેઈન્ટિંગને આગ લગાવી દીધી. આગામી દિવસમાં તેઓ વધુ હજારો પેઈન્ટિંગમાં આગ લગાવશે.
પ્રસિદ્ધ બ્રિટીશ કલાકારે પોતાની પેઈન્ટિંગને આગ લગાવી દીધી
કલાકાર ડેમિયન હર્સ્ટે એક પ્રોજેક્ટ લોન્ચ કર્યો હતો
આગામી દિવસમાં તેઓ વધુ હજારો પેઈન્ટિંગમાં આગ લગાવશે\
બ્રિટનના એક કલાકારે 90 કરોડની પેઈન્ટિંગમાં આગચંપી કરી
પેઈન્ટિંગ ખૂબ અનમોલ વસ્તુ હોય છે. જેને બનાવવામાં કલાકાર પોતાની સંપૂર્ણ તાકાત લગાવે છે. સ્વાભાવિક છે કે જો પેઈન્ટિંગ કોઈને પસંદ આવી જાય તો પછી તે તેના માટે મોં માંગે કિંમત આપવા તૈયાર થઇ જાય છે. પરંતુ બ્રિટનના એક કલાકારે 90 કરોડની પેઈન્ટિંગમાં આગચંપી કરી દીધી. એટલું જ નહીં, તેમણે આ પેઈન્ટિંગને આગમાં બળતી સોશિયલ મીડિયામાં લાઈવ પણ કરી બતાવ્યું. દરેક વ્યક્તિ તેને જોઇને હેરાન થઇ ગયો. પરંતુ ડેમિયન હર્સ્ટ નામના આ કલાકારે તેની પાછળનુ કારણ બાદમાં જણાવ્યું.
કલાકાર પોતાની કલાને કેમ બાળશે?
57 વર્ષના પ્રસિદ્ધ બ્રિટીશ કલાકાર ડેમિયન હર્સ્ટે લંડનમાં પોતાની ન્યુપોર્ટ સ્ટ્રીટ ગેલેરીમાં પોતાની પેઈન્ટિંગને આગ લગાવી દીધી. તેમણે આખી દુનિયા માટે ઈન્સ્ટાગ્રામ પર આખા કાર્યક્રમને લાઈવ-સ્ટ્રીમ કર્યો. ત્યાં સુધી કે પત્રકારો અને કેમેરા ક્રૂના એક વિશાળ સમૂહે પણ તેને આ કરતા જોયો.
સ્વાભાવિક છે કે તમારા મનમાં સવાલ ઉઠી રહ્યાં હશે કે એક કલાકાર પોતાની કલાને કેમ બાળશે? મીડિયાના એક રિપોર્ટ મુજબ, ડેમિયને એક પ્રોજેક્ટ લોન્ચ કર્યો હતો. જેને તેમણે ધ કરન્સીનુ નામ આપ્યુ હતુ. તેમણે ગયા વર્ષે 10, 000 ડૉટ પેઈન્ટિંગ્સના સંગ્રહની સાથે પ્રોજેક્ટ લોન્ચ કર્યો, જેમાંથી દરેકનુ શીર્ષક, ક્રમાંકિત, સહી કરેલ અને સંબંધિત એનએફટી સાથે જોડાયેલુ હતુ, દરેકની કિંમત લગભગ 1,64,000 રૂપિયા હતી.
એનએફટી એટલેકે નૉન ફન્જિબલ ટોકન હેઠળ આ પેઈન્ટિંગ્સ બનાવવામાં આવી હતી. ઉલ્લેખનીય છે કે કોઈ પણ વસ્તુ જેને ડિજીટલી રીતે બદલી શકાય છે તેને NFT કહેવામાં આવે છે. ડ્રોઈંગ, ફોટો અને પેઈન્ટીંગ્સને પણ હાલમાં NFTમાં બદલવામાં આવી રહી છે. ડેમિયન હર્સ્ટે ખરીદદારોની પાસે NFT પેઈન્ટિંગ્સનો વિકલ્પ મુક્યો હતો.