11 વર્ષની સ્કાય બ્રાઉન સૌથા નાની વયની ઓલિમ્પિયન બનશે. તે મેડલ જીતે કે ના જીતે, પરંતુ બ્રિટનની સૌથી નાની વયની ઓલિમ્પિયન બનવાનો રેકોર્ડ પોતાના નામે કરશે. તેણે
સ્કેટબોર્ડ રમતમાં પોતાનુ આગવુ સ્થાન બનાવ્યું છે. યુ-ટ્યુબ પરથી શીખીને ઓલિમ્પિક સુધી પહોંનાર આ બાળકી બ્રિટનનું નામ રોશન કરશે.
આ વર્ષે ટોકિયો ઓલિમ્પિકમાં ભાગ લેવાની છે.
નાની વયની ઓલિમ્પિયન બનવાનો રેકોર્ડ પોતાના નામે કરશે
સ્કેટબોર્ડની રમતને આ વખતે ઓલિમ્પિકમાં સામેલ કરાઈ છે
સ્કાય બ્રાઉનની આવડતો
જોવામાં બહુ જ માસૂમ દેખાતી સ્કાય બ્રાઉન જ્યારે સ્કેટબોર્ડ સવાર થાય છે ત્યારે જાણે કે તેના શરીર પર પાંખો લાગી જાય છે. પોતાની ઝડપ અને સ્ટંટથી તે લોકોને આશ્ચર્યમાં મૂકી દે છે. તેની કાબેલિયતનો અંદાજ એ વાત પરથી લગાવી શકાય છે કે તેણે ગત સપ્ટેમ્બરમાં સાઓ પાઉલોમાં યોજાયેલી વર્લ્ડ ચેમ્પિયનશિપમાં બ્રોન્ઝ મેડલ પોતાના નામે કરી લીધો હતો. બ્રિટન તરફથી સૌથી નાની વયે ઓલિમ્પિયન બનવાનો રેકોર્ડ અત્યાર સુધી સ્વિમર માર્ગરી હિન્ટનના નામે હતો, જેણે ૧૯૨૮માં આ સિદ્ધિ હાંસલ કરી હતી.
સ્કાય બ્રાઉન હવામાં ચારથી પાંચ ફૂટની છલાંગ લગાવે છે. દસ ફૂટની ઊંચાઈતી ગોળાકાર સ્પોટ પર લેન્ડિંગ કરીને વીજળીની ઝડપે બહાર આવે છે. સ્કેટપાર્કની બહાર બેસીને સ્કાયનો આઠ વર્ષીય ભાઈ ઓસિયન બહેનનું કૌશલ્ય જોઈને ખૂબ તાળીઓ પાડે છે. સ્કાય કહે છે, ''હું સ્પિન (હવામાં ગોળ ફરવું) અને કિકફ્લિપ્સ (પગનું કૌશલ્ય) વધું પસંદ કરું છું. હું પણ એવું કૌશલ્ય દેખાડવા ઇચ્છું છું, જે છોકરાઓ સ્કેટબોર્ડ પર કરે છે.''
નાની વયે સ્કેટબોર્ડ શરૂ કર્યું
સ્કાયે ચાર વર્ષની ઉંમરે પિતાના સ્કેટબોર્ડથી આ રમતની શરૂઆત કરી. ઘરની આસપાસ પ્રેક્ટિસ શરૂ કરી. પિતાએ કેટલીક ટિપ્સ આપી. સ્કાયે કોઈ જ પ્રોફેશનલ કોચ પાસેથી ટ્રેનિંગ લીધી નથી. તેનું કહેવું છે કે, ''સ્કેટબોર્ડ અંગેની મોટા ભાગની જાણકારી યુ-ટ્યુબ પરથી મેળવી છે. ઓલિમ્પિકમાં ત્રણ વાર ચેમ્પિયન બનેલા શોન વ્હાઇટ લોસ એન્જલસમાં મારા ઘરની નજીક રહે છે. તેમણે મને કેટલીક ટિપ્સ આપી, જેનો મને ઘણો ફાયદો થયો.'' સ્કાય માટે સ્પોન્સરની લાઇન લાગી છે. એનું એક કારણ એ પણ છે કે તે બે વર્ષ પહેલાં એક ટીવી રિયાલિટી શો જીતવામાં સફળ રહી હતી. સ્કાયનાં માતાપિતા સ્ટૂ અને મિકો પણ હવે સેલિબ્રિટી બની ચૂક્યાં છે.
પિતા ઈંગ્લેન્ડના, માતા જાપાની
આ લિટલ ચેમ્પિયન પાસે ઓલિમ્પિકમાં બ્રિટન અને જાપાનનું પ્રતિનિધિત્વ કરવાની તક હતી. સ્કાયના પિતા સ્ટૂ ઈંગ્લેન્ડના છે, જેઓ બાદમાં અમેરિકા ચાલ્યા ગયા હતા, પરંતુ માતા મિકા જાપાનની છે. સ્કાયનાં માતાપિતાની મુલાકાત જાપાનમાં થઈ હતી. સ્કાય જાપાનમાં જ જન્મી હતી. શરૂઆતમાં સ્કાયનો અભ્યાસ જાપાની સ્કૂલમાં જ થયો હતો. કોઈ કોચ નહીં, યુ-ટ્યૂબ પરથી શીખી છે.