વિશ્વ / કોરોનાકાળમાં આ દેશ લાવશે મિની બજેટ, બીજી તરફ WHO સાથે સત્તાવાર રીતે અમેરિકાએ છેડો ફાડ્યો

• અમેરિકા WHOથી સત્તાવાર જુદું પડ્યું 
• બ્રિટનમાં ઇકોનોમિક રિકવરી માટે મિની બજેટ આવશે 

અમેરિકાએ ગઇકાલે સત્તાવાર રીતે ખુદને વર્લ્ડ હેલ્થ ઓર્ગેનાઈઝેશન (ડબલ્યુએચઓ)થી અલગ કરી દીધું છે. પ્રમુખ પદના ડેમોક્રેટ કેન્ડીડેટ જો બિડેને આ નિર્ણયને ખોટો ગણાવ્યો છે. તેમણે ટ્વિટ કર્યુ કે જ્યાં સુધી અમેરિકા ગ્લોબલ હેલ્થ સિસ્ટમને મજબુત કરતુ રહેશે ત્યાં સુધી અમેરિકી લોકો સુરક્ષિત રહેશે. હું પ્રમુખ બનવાના પહેલા જ દિવસે અમેરિકાને ડબલ્યુએચઓમાં સામેલ કરીશ. હું વર્લ્ડ સ્ટેજ પર અમેરિકાની લીડરશીપને ફરીવખત મજબુત કરીશ. 

બ્રિટનમાં ઇકોનોમિક રિકવરી માટે સરકાર મિની બજેટ લાવશે

બ્રિટન સરકાર કોરોનાથી થયેલા નુકશાન બાદ ઇકોનોમીક રિકવરી માટે એક મિનિ બજેટ લાવશે. વડાપ્રધાન બોરિસ જોન્સને તેની જાહેરાત કરી હતી. તેમણે કહ્યુ કે સ્કુલ, હાઉસિંગ, રસ્તા, પબ્લિક ટ્રાન્સપોર્ટ અને મેડિકલ સુવિધાઓ બહેતર બનાવવા માટે આ મદદરૂપ સાબિત થશે. 

ન્યુઝીલેન્ડમાં કોરોનાની જાણકારી લીક કરનારા સાંસદનું રાજીનામું

કોરોનાની જાણકારી લીક કરનારા ન્યુઝીલેન્ડના સાંસદ હેમિશ વોકરે ગઇકાલે રાજીનામુ આપ્યુ હતુ. વોકર સેન્ટર રાઇટ નેશનલ પાર્ટીના સભ્ય છે. તેમણે થોડા દિવસ પહેલા કેટલાક કોરોના સંક્રમિતોની વ્યક્તિગત જાણકારી આપી હતી. આ મુદ્દે તેમની પાર્ટીની ટીકો થઇ હતી. વોકરે પોતાનુ રાજીનામુ સોંપ્યા બાદ કહ્યુ કે હું મારા નિવેદન પર અફસોસ વ્યક્ત કરુ છુ. હું આગળ પણ કોઇ પ્રકારન ટિપ્પણી નહીં કરુ. ન્યુઝીલેન્ડમાં સપ્ટેમ્બરમા રાષ્ટ્રપતિની ચુંટણીઓ થવાની છે.