વિશ્વ / પિઝ્ઝા તો મળશે પણ ટામેટાં વગર જ આવશે! શાકભાજીના ભાવ આસમાને જતાં બ્રિટનમાં જુઓ કેવી સમસ્યા સર્જાઇ

• બ્રિટનમાં ટમેટાની કિંમતમાં 4 ઘણો વધારો
• ઈટાલિયન રેસ્ટોરેન્ટની સ્થિતિ ખરાબ
• ટમેટાનાં પાકને નુક્સાન થતાં આવી છે મુશ્કેલી

મોંઘવારી પાકિસ્તાન બાદ હવે બ્રિટનની કમર તોડી રહી છે. ફળો અને શાકની કિંમતો આકાશે પહોંચી છે. મોંઘવારીને લીધે યૂકેની સ્થિતિ બગડી ગઈ છે અને માર્કેટમાં ટમેટાની અછત થઈ ગઈ છે. શોધવા છતાં ટમેટા લોકોને નથી મળી રહ્યાં. હવે હોટલ્સ અને રેસ્ટોરેન્ટમાં પણ ટમેટા વગરનાં પાસ્તા અને પિઝા બનાવવામાં આવી રહ્યાં છે.

રેસ્ટોરેન્ટની સ્થિતિ ખરાબ...
ફળો અને શાકભાજીની મોંઘવારી માટે સરકારે વાતાવરણને જવાબદાર ઠેરવ્યું છે. હવે આ મોંઘવારી બાદ કેટલાક રેસ્ટોરેન્ટ હંમેશા માટે બંધ પણ થઈ શકે છે. યૂકે સરકાર અનુસાર, દક્ષિણ યૂરોપ અને ઉત્તરી આફ્રિકામાં ખરાબ વાતાવરણનાં કારણે ટમેટાનાં પાકને ભારે નુક્સાન થયું છે. જેના કારણે ઉત્પાદનમાં પણ ભારે ઘટાડો થયો છે. ઈટાલિયન કલિનરી કંસોર્ટિયમનાં અધ્યક્ષ કાર્મેલો કાર્નેવાલે જણાવ્યું કે દેશમાં છેલ્લાં 2 અઠવાડિયાની અંદર 3 વખત ટમેટાની કિંમતમાં વધારો થયો. સ્થિતિ એટલી ખરાબ છે કે રેસ્ટોરેન્ટ હવે ટમેટાની જગયાએ સફેદ સૉસનો ઉપયોગ કરી રહ્યાં છે.

એકવર્ષમાં 4 ઘણાં વધ્યાં ટમેટાનાં ભાવ
શેફ એસોસિએશન અનુસાર બ્રિટનમાં ટમેટાની કિંમત છેલ્લાં એકવર્ષમાં ચાર ઘણાં વધ્યાં છે. પહેલાં તેની કિંમત પાંચ પાઉન્ડ એટલે કે 490 રૂપિયા પ્રતિ પેટી હતી જે હવે વધીને 20 પાઉન્ડ એટલે કે 1980 રૂપિયા થઈ ગઈ છે. FIC યૂકેનાં અધ્યક્ષ એન્જો ઓલિવરીએ જણાવ્યું રે બ્રેજિક્ટ મુદાઓ બાદ વધી રહેલા ટેક્સનાં કારણે બ્રિટનમાં ઈટાલિયન રેસ્ટોરેન્ટ કપરાં સમયમાંથી પસાર થઈ રહ્યું છે. કેટલાક રેસ્ટોરેન્ટ તો બંધ પણ થઈ શકે છે.

મોંઘવારી પાછળનું કારણ
રિપોર્ટ્સ અનુસાર શિયાળામાં બ્રિટન આશરે 95% ટમેટા આયાત કરે છે. સ્પેઈન અને ઉત્તરી આફ્રીકન દેશોથી બ્રિટનમાં વધારે ટમેટા આવે છે. હવે દક્ષિણી સ્પેઈન અસામાન્ય ઠંડીનો સામનો કરી રહ્યું છે. એટલું જ નહીં મોરક્કોમાં પણ પૂર આવ્યાને લીધે મોટાપાયે પાકને નુક્સાન પહોંચ્યું છે.